Prince Aly Khan Hospital Demolition: माझगाव येथील ७० वर्षे जुन्या प्रिन्स अली खान रुग्णालयाची इमारत पाडण्याचे निर्देश पालिकेने दिल्यानंतर मंगळपासून या पाडकामास सुरुवात झाली आहे. या रुग्णालयातील कर्मचारी तसेच येथे वैद्यकीय उपचार घेऊन बरे झालेले कित्येक रुग्ण त्यामुळे हळहळले.
रुग्णालय व्यवस्थापनाने जड अंतःकरणाने हा निर्णय घेत असल्याचे सांगितले. सर्व स्ट्रक्चरल अहवालामध्ये दिसून आलेल्या त्रुटींचा अभ्यास केल्यानंतर रुग्णालयातील वैद्यकीय उपचारप्रक्रिया थांबवण्याचा निर्णय घेण्यात आला. १९५४ मध्ये १६ खाटांच्या सुविधेसह हे रुग्णालय सुरू करण्यात आले. त्यात आता १५४ खाटांची उपलब्धता होती. या रुग्णालयामध्ये एक लाख साठ हजार रुग्णांना ओपीडी तर नऊ हजार रुग्णांना उपचार देण्यात आले आहेत. या रुग्णालयामध्ये असलेल्या सिटी स्कॅनसारख्या वैद्यकीय उपकरणांची विक्री करण्यात येणार आहे. अनेक रुग्णालये या उपकरणांच्या खरेदीसाठी उत्सुक असल्याचे रुग्णालयातील अधिकाऱ्यांनी सांगितले.
ऑगस्ट महिन्यामध्ये रुग्णांना दाखल करून घेण्याची प्रक्रिया थांबवण्यात आली. मात्र ओपीडी सुविधा सुरू होती. आर्थिकदृष्ट्या ओपीडी सुविधा सुरू ठेवणे रुग्णालय प्रशासनास शक्य नव्हते. त्यामुळे २१ डिसेंबरला ओपीडी सुविधा थांबवल्यानंतर रुग्णालयाने सर्व कर्मचाऱ्यांना १९ फेब्रुवारीपर्यंतचे वेतन दिले आहे. या रुग्णालयामध्ये डॉक्टर, परिचारिका, मदतनीस वॉर्ड बॉय तंत्रज्ञ असे एकूण ९५० कर्मचारी होते.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.