उस्मानाबाद येथे दरवर्षीप्रमाणे 18 डिसेंबर 2022 रोजी उस्मानाबाद हाफ मॅरेथॉन 2022 स्पर्धा उत्साहात पार पडली. सर्व वयोगटातून सुमारे तीन हजाराहून अधिक स्पर्धकांनी उत्स्फूर्तपणे सहभाग नोंदवला. स्पर्धेची संपूर्ण तयारी सर्व उस्मानाबादकर नागरिकांच्या वतीने, जिल्हा प्रशासन, पोलीस यंत्रणा, वैद्यकीय सेवा आणि विविध शासकीय निमशासकीय संघटना यांच्या मदतीने उस्मानाबाद स्पोर्ट्स अकादमीच्या वतीने करण्यात आली होती.
स्पर्धेत सहभागी झालेले स्काऊट गाईड येथील शिपाई हनुमंत केरबा पाटील यांना धावताना अचानक चक्कर आली. स्पर्धक आणि स्वयंसेवकांनी त्यांना त्वरित बाजूला घेत बाजूला घेऊन पाणी दिले. तात्काळ पोलीस आणि वैद्यकीय पथकामार्फत शासकीय रुग्णालयात दाखल केले. तेथे वैद्यकीय अधिकार्यांनी तपासणी करुन मृत पाटील यांना मृत घोषित केले. त्यांच्या पश्चात पत्नी सविता व दोन मुली असा परिवार आहे.
या दुर्दैवी घटनेनंतर संयोजन समितीच्या सदस्यांनी मयत हनुमंत पाटील यांच्या कुटुंबियांची लातूर जिल्ह्यातील खुंटेगाव (ता.औसा) येथे जावून भेट घेऊन सांत्वन केले. समितीतील सर्व सदस्यांनी स्वतः रक्कम जमा करुन उस्मानाबाद स्पोर्ट्स अकादमीतर्फे पाटील कुटुंबीयांना एक लाख रुपयाची आर्थिक मदत सुपूर्द केली. त्याचबरोबर उस्मानाबाद परिसरातील धावपटू आणि दानशूर व्यक्तींनी जमा केलेला 83 हजार 601 रुपयांचा मदतनिधी पाटील कुटुंबीयांकडे सुपुर्द केला.
हेही वाचा : इमरान खानच्या घटस्फोटित पत्नीचं तिसरं लग्न, रेहम खानच्या पतीच्या वयातील अंतर वाचून थक्क व्हाल
अजूनही अनेक बांधव मयत पाटील यांच्या कुटुंबीयांसाठी मदतनिधी संकलित करत आहेत. ती रक्कम टप्याटप्याने त्यांच्या बँक खात्यामध्ये जमा करण्यात येईल असे संयोजन समितीच्या वतीने कळविण्यात आली आहे. यावेळी स्काऊट गाईडच्या श्रीमती उषा येरकळ, श्रीमती सिरसाट यांच्यासह लातूर येथील अग्रवाल कुटुंबीय उपस्थित होते.
मॅराथॉन ग्रुपचा संकटकाळात मोठा आधार – सविता पाटील
घरातील कर्त्या व्यक्तीच्या अचानक निधनाने आम्हा पाटील कुटुंबीयावर मोठा आघात झाला. या दुर्दैवी घटनेतून सावरण्यासाठी उस्मानाबाद हाफ मॅरेथॉन ग्रुपमधील सर्व सदस्य भावाप्रमाणे आमच्या पाठीशी उभे राहिल्यामुळे संकट काळात मोठा आधार मिळाला. पुढील काळातील अडचणींवर मात करण्याची शक्ती मिळाली.
हेही वाचा : बायकोच्या मैत्रिणीला उडवलं, ७८ वर्षीय कार चालकाचा जबाब, मयत महिलेचं कुटुंबच म्हणालं, काकांना माफ करा