पुणे : दौंड तालुक्यातील पाटस ते कारखाना या अष्टविनायक महामार्गावर झालेल्या भीषण अपघातात एकाच कुटुंबातील तीन जणांचा दुर्दैवी मृत्यू झाला आहे. ही दु:खद घटना आज शुक्रवारी दुपारी सव्वा बारा वाजेच्या सुमारास घडली आहे. ट्रक आणि दुचाकीचा मोठा अपघात झाल्याची प्राथमिक माहिती सध्या समोर आली आहे.
या अपघातात मृत्यू झालेल्यांमध्ये पाटस येथील पुनर्वसन येथे राहणारे संतोष सदाशिव साबळे, त्यांच्या पत्नी रोहिणी साबळे आणि त्यांचा चार वर्षांचा मुलगा गुरू साबळे यांचा समावेश आहे. साबळे कुटुंबियांवर अचानकपणे काळाने झडप घातल्यामुळे संपूर्ण गावात हळहळ व्यक्त करण्यात येत आहे.
या अपघातात मृत्यू झालेल्यांमध्ये पाटस येथील पुनर्वसन येथे राहणारे संतोष सदाशिव साबळे, त्यांच्या पत्नी रोहिणी साबळे आणि त्यांचा चार वर्षांचा मुलगा गुरू साबळे यांचा समावेश आहे. साबळे कुटुंबियांवर अचानकपणे काळाने झडप घातल्यामुळे संपूर्ण गावात हळहळ व्यक्त करण्यात येत आहे.
मिळालेल्या माहितीनुसार, पाटस येथील रहिवासी संतोष साबळे हे आपल्या कुटुंबियांसोबत कुसेगाव येथील श्री. भानोबा देवाचे दर्शन घेऊन घरी परतत असताना पाटस येथील विश्वशांती बुद्ध विहार येथील कॅनॉलवरील गावाला पाणी पुरवठा करणाऱ्या टाकीसमोर मागून भरधाव येणाऱ्या ट्रकने जोरदार धडक दिल्याचे स्थानिकांकडून सांगण्यात येत आहे.
धडक इतकी जोरदार होती की दुचाकीवरुन जाणाऱ्या साबळे कुटुंबियांचा जागीच मृत्यू झाला. या अपघाताविषयी अधिक माहिती विचारली असता कुसेगाव येथे देवदर्शनासाठी जाणाऱ्या भक्तांची संख्या जास्त असते. तसेच रस्त्यावरून ये-जा करणाऱ्या वाहनांचा वेग देखील जास्त असतो परिणामी त्याचा फटका दुचाकीवाल्यांना बसत असल्याची खंत तेथील नागरिक व्यक्त करत आहेत.
कीर्तिकर, अडसूळ शिंदे गटात, पण बाळासाहेबांच्या निष्ठावंताचं वाढदिवशीच ठाकरेंना मोठं गिफ्ट!