बीड : विद्युत वाहक डीपीमधील फ्युज टाकत असताना अचानक वीज प्रवाह सुरू झाल्याने विजेचा धक्का लागून टिकटॉक स्टार संतोष मुंडे यांच्यासह बाबुराव मुंडे या दोघांचा दुर्दैवी मृत्यू झाला आहे. बीडच्या धारूर तालुक्यातील या घटनेने सर्वत्र हळहळ व्यक्त होत आहे. धारूर तालुक्यातील भोगलवाडी येथील संतोष मुंडे हे आपल्या मित्रांसह काळेवाडी येथील विद्युत वाहक डीपीमधील फ्युज टाकण्यासाठी गेले होते. त्यावेळी अचानक वीज पुरवठा सुरू झाला आणि विजेचा धक्का लागून या दोघांचा मृत्यू झाला.
आपल्या अनोख्या अंदाजाने टिकटॉक स्टार म्हणून राज्यभर परिचित झालेल्या संतोष मुंडे यांच्या दुर्दैवी मृत्यूने गावावर शोककळा पसरली आहे. सध्या ग्रामीण भागात विजेचा लपंडाव सुरू आहे. त्यामुळे शेतकरी हैराण आहेत. दरम्यान, या घटनेत मृत्यूमुखी पडलेल्या संतोष मुंडे यांच्या कुटुंबीयांना महावितरणाने तातडीने मदत करावी, अशी मागणी राष्ट्रवादीचे नेते धनंजय मुंडे यांनी केली आहे.
आपल्या अनोख्या अंदाजाने टिकटॉक स्टार म्हणून राज्यभर परिचित झालेल्या संतोष मुंडे यांच्या दुर्दैवी मृत्यूने गावावर शोककळा पसरली आहे. सध्या ग्रामीण भागात विजेचा लपंडाव सुरू आहे. त्यामुळे शेतकरी हैराण आहेत. दरम्यान, या घटनेत मृत्यूमुखी पडलेल्या संतोष मुंडे यांच्या कुटुंबीयांना महावितरणाने तातडीने मदत करावी, अशी मागणी राष्ट्रवादीचे नेते धनंजय मुंडे यांनी केली आहे.
संतोष मुंडे हे एका खेडेगावातून आपल्या गावाच्या शैलीमध्ये अनेक लोकांना हसवत लोकांचे मनोरंजन करायचे. त्यामुळेच संतोष मुंडे छोट्याशा गावातून बीड जिल्ह्यात प्रचंड फेमस झाले आणि बीड जिल्ह्यातून पूर्णपणे महाराष्ट्रभर टिकटॉक, इंस्टाग्राम आणि फेसबुकवर देखील फेमस झाले. महाराष्ट्रभर संतोष मुंडेंना एक वेगळी ओळख मिळाली. मात्र, काल त्यांचा दुर्दैवी मृत्यू झाल्याने महाराष्ट्रभरातून टिकटॉक स्टार यांनी त्यांना भावपूर्ण श्रद्धांजली वाहिली आहे.
राजकीय पटलातूनही अनेक नेत्यांनी ट्विट करत संतोष यांनी आतापर्यंत केलेल्या कारकिर्दी बाबतीत बोलत त्यांना भावपूर्ण श्रद्धांजली वाहिली आहे. मात्र, यामध्ये राष्ट्रवादीचे नेते धनंजय मुंडे यांनी देखील महावितरणाकडून संतोष मुंडे यांच्या कुटुंबीयांना तात्काळ मदत करण्याची मागणी केली आहे.