द लास्ट ऑफ अस या व्हिडिओ गेममधील टेस या पात्राला आवाज देण्यासाठी अॅनी वर्शिंग ओळखल्या जायच्या. व्हिडिओ गेम निर्माते नील ड्रकमन यांनी अभिनेत्रीच्या निधनावर शोक व्यक्त करत ट्वीट केले की, ‘आम्ही एक प्रतिभावान कलाकार आणि एक सुंदर व्यक्ती गमावली आहे. तू आम्हाला लवकर सोडून गेलीस, पण तू आमच्या आठवणीत कायमच राहशील.’
सेंट लुईस, मिसूरी येथे वाढलेली वर्शिंगने तिच्या दोन दशकांच्या अभिनय कारकिर्दीत अनेक टेलिव्हिजन कार्यक्रमांमध्ये दिसली. यात ‘स्टार ट्रेक: एण्टरप्राइज’, ‘२४’, ‘बॉश’, ‘द व्हॅम्पायर डायरीज’, ‘रनवे’, ‘द रुकी’ आणि ‘स्टार ट्रेक: पिकार्ड.’ या मालिकांचा समावेश आहे.
२०२० मध्ये झालं कर्करोगाचं निदान
अॅनी वर्शिंगला २०२० मध्ये कर्करोग झाल्याचं निदान झालं. तिच्या पश्चात पती व तीन मुले असा परिवार आहे. अभिनेत्रीच्या मृत्यूने सर्वांनाच धक्का बसला आहे. सिनेसृष्टीतही तिच्या जाण्याने शोककळा पसरली आहे.