पुणे,दि.२६:- पुणे रेल्वे विभागातील सर्व स्थानके, डेपो येथे विविध कार्यालयांमध्ये प्रजासत्ताक दिन उत्साहात साजरा करण्यात आला. पुणे रेल्वे विभागातील सर्व स्थानके, मुख्य कार्यक्रमाचे आयोजन रेल्वे इन्स्टिट्यूट ग्राउंड, ताडीवाला रोड, पुणे येथे करण्यात आले होते. विभागीय रेल्वे व्यवस्थापक श्रीमती इंदू दुबे यांच्या हस्ते शासकीय झेंडावंदनाचा मुख्य कार्यक्रम येथील रेल्वे मैदानावर पार पडला. श्रीमती इंदू दुबे हस्ते झेंडावंदन करण्यात आले.
वरिष्ठ विभागीय सुरक्षा आयुक्त उदयसिंह पवार, विभागीय कार्मिक अधिकारी जितेंद्र प्रताप सिंग यांच्या संयुक्त विद्यमाने आयोजित कार्यक्रमाचे सूत्रसंचालन विनिश सक्सेना व शंकर अडले यांनी केले.
महिला समाज सेवा संघटना संचलित लिटिल एंजल्स शाळेतही प्रजासत्ताक दिन साजरा करण्यात आला, जेथे अध्यक्ष आणि विभागीय रेल्वे व्यवस्थापक श्रीमती इंदू दुबे यांनी ध्वजारोहण केले. बालवाडीच्या मुलांनी सांस्कृतिक कार्यक्रम सादर केला. त्यांनी मुलांना मिठाई आणि भेटवस्तू दिल्या. याशिवाय महिला सामाजिक सेवा संस्थेतर्फे रेल्वे रुग्णालयातील रुग्णांना फळे व भेटवस्तूही देण्यात आल्या.पुणे शहरातील मान्यवर व अधिकारी व कर्मचारी मोठ्या संख्येने उपस्थित होते.