फोनवर फक्त एक मेसेज पाठवून लोकांच्या अकाउंटमधून काढले जाताहेत पैसे, या चुका टाळा

नवी दिल्लीः Hackers नवीन नवीन पद्धतीने स्कॅम करीत आहेत. अनेकदा असे पाहिले जात आहे की, एक मेसेज पाठवून अकाउंटमधून पैसे गायब केले जात आहेत. जर तुम्हाला सुद्धा असाच मेसेज आला असेल तर अलर्ट राहण्याची गरज आहे. त्यामुळे तुम्हाला हे जाणून घेणे गरजेचे आहे की, यूजर्सच्या अकाउंट मधून कशा प्रकारे मेसेज येत आहेत. खरं म्हणजे लोकांना नोकरी देण्याच्या नावाखाली मेसेज पाठवले जात आहेत. यासोबत एक लिंक सुद्धा दिली जात आहे.

मेसेज मध्ये देण्यात आलेल्या लिंकवर तुम्ही जर क्लिक केले तर थेट एक व्हॉट्सअॅप चॅट मध्ये जाता. या ठिकाणी तुमची सर्व माहिती मिळवली जाते. यानंतर ६० हजार रुपये महिना नोकरीची ऑफर दिली जाते. नोकरीचे नाव ऐकताच अनेक जण या अमिषाला बळी पडतात. याचाच फायदा स्कॅमर्स घेत आहेत. यानंतर तुमच्याकडे ते खासगी माहिती मागवतात. नोकरीसाठी मुलाखत देण्याचे आश्वासन सुद्धा देतात.

वाचाः ६ फेब्रुवारीला भारतात येतोय पोकोचा नवा स्मार्टफोन, पॉवरफुल फोनची किंमत किती?

काही वेळेनंतर तुम्हाला अन्य व्यक्तीच्या कॉलशी जोडले जाते. इंटरव्ह्यू नंतर नोकरी ऑफर केली जाते. यानंतर तुमचे आधार कार्ड आणि बँक डिटेल्स पाठवण्यास सांगितले जाते. जर बँक डिटेल्सची माहिती कशासाठी, असे विचारल्यास तुमची सॅलरी याच अकाउंट मध्ये जमा होईल असे सांगितले जाते. त्यामुळे अनेक जण आपल्या बँकेची डिटेल्स देतात. याचाच फायदा हॅकर्स घेत आहेत.

वाचाः Airtel ने लाँच केले दोन स्वस्त प्लान, ६० जीबी पर्यंत मिळतोय डेटा, अनलिमिटेड कॉलिंग

या ठिकाणापासून स्कॅम सुरू होतो. या ठिकाणी बँक अकाउंट व्हेरिफाय करणे सुरू केले जाते. या बदल्यात ओटीपी सांगण्यास दबाव केला जातो. जर तुमच्या मोबाइल नंबरवर आलेला ओटीपी सांगितल्यास स्कॅमर्सला स्कॅम करणे खूप सोपे होते. तुमच्या फोनवर एक मेसेज येतो. त्यातून तुमच्या खात्यातून पैसे काढले जातात.

वाचाः जिओने आणला स्वस्त प्लान, वर्षभराची वैधता, अनलिमिटेड कॉलिंग आणि डेटा