विशाखा सुभेदारची इन्स्टाग्राम पोस्ट
विशाखाने काही दिवसांपूर्वी एक डान्स व्हिडिओ पोस्ट केलेला. ज्यामध्ये ती ‘इश्कझादे’ सिनेमातील ‘हुआ छोकरा जवां रे या गाण्यावर डान्स करते आहे. सिनेमात गौहर खानवर चित्रित झालेल्या या गाण्यावर विशाखाच्याही कमाल अदा पाहायला मिळाल्या. अभिनेत्रीने इतका भन्नाट डान्स केला की बॉलिवूडचे लोकप्रिय कोरिओग्राफर गणेश आचार्य यांनाही कमेंट करण्यावाचून राहावलं नाही. त्यांनी विशाखाच्या व्हिडिओवर अशी कमेंट केली की, ‘सुपर्ब, गॉड ब्लेस’.
हे वाचा-…अन् विकी कौशलला झालेली अटक! सेटवरच पोलिसांनी बेड्या ठोकल्या
गणेश आचार्य यांनी कमेंट केल्यानंतर अभिनेत्रीने या कमेंटचा स्क्रिनशॉट इन्स्टाग्रामवर शेअर करत तिचा आनंद व्यक्त केला. यावेळी अभिनेत्रीने असे लिहिले की, ‘आईशपथ… गणेश आचार्य यांची कमेंट. अरे आज तो दिन बन गया रे.’ तिने कमेंट केल्याबद्दल गणेश यांचे आभार मानले आहे. दरम्यान विशाखाच्या या पोस्टवर गणेश यांनी नमस्कार करण्याचा इमोजी पोस्ट केला आहे.
विशाखा सोशल मीडियावर सक्रिय असल्याने ती तिच्या आगामी प्रोजेक्टबाबत नेहमीच माहिती शेअर करत असते. ती लवकरच स्टार प्रवाहवरील ‘शुभविवाह’ या मालिकेत महत्त्वाच्या भूमिकेत दिसणार आहे. स्टार प्रवाहवरील ही मालिका येत्या १ फेब्रुवारीपासून सुरू होतेय. या मालिकेत मधुरा देशपांडे आणि यशोमान आपटे ही कलाकारांची फ्रेश जोडी पाहायला मिळेल. स्टार प्रवाहवर दररोज दुपारी दोन वाजता ही मालिका दाखवण्यात येणार आहे. नवा विषय असणाऱ्या या मालिकेच्या प्रतीक्षेत चाहते आहेत.
हे वाचा-भाऊनं करून दाखवलं! रितेशचा ‘वेड’ ७० कोटींच्या पार; बॉक्स ऑफिसवर धुमाकुळ
दरम्यान विशाखा तिच्या नव्या प्रोजेक्टमध्ये व्यग्र असली तरी तिच्या विविध इन्स्टाग्राम पोस्टवर चाहते कमेंट करतात की ते तिला ‘महाराष्ट्राची हास्यजत्रा’मध्ये खूप मिस करतात. या कार्यक्रमात विशाखा आणि समीर चौगुले या विनोदवीरांच्या जोडीवर प्रेक्षकांनी विशेष प्रेम केले.