दाक्षिणात्य कॉमेडियन ब्रह्मानंदम यांचा जन्म १ फेब्रुवारी १९५६ रोजी आंध्र प्रदेशातील गुंटूर इथं झाला. त्याचं लग्न लक्ष्मी यांच्याशी झालं. या दोघांना दोन मुलं असून राजा गौतम आणि सिद्धार्थ अशी त्यांची नावं आहेत. आजमितीला ब्रह्मानंदम कोट्यवधी रुपयांचे मालक आहेत परंतु सुरुवातीच्या काळात त्यांची परिस्थिती फारशी चांगली नव्हती. त्यांच्या कुटुंबातील ते एकमेव उच्चशिक्षण घेतलेले व्यक्ती होते. त्यांनी एमए केलं. परंतु तेलुगू सिनेमात काम करण्याची संधी मिळाली तेव्हा त्याचं नशीब पालटलं. त्यानंतर त्यांनी कधीच मागं वळून पाहिलं नाही. ब्रह्मानंदम यांनी आतापर्यंत एक हजारांहून अधिक सिनेमांत काम केलं आहे.
ब्रह्मानंदम यांनी १९८७ पासून सिनेमात काम करायला सुरुवात केली. अहाना पेलांता हा त्यांचा पहिला सिनेमा होता. त्या सिनेमातील सर्वोत्तम अभिनयासाठी पाच नंदी अॅवॉर्ड मिळाले होते. त्याचबरोबर त्यांना सर्वोत्तम विनोदी अभिनेत्यासाठी cineMAA हे अॅवॉर्ड देखील मिळालं होतं. ब्रह्मानंदम यांनी १९९० ते २००५ यावर्षांत प्रदर्शित झालेल्या अनेक हिट सिनेमांत काम केलं आणि प्रेक्षकांचं मनोरंजन केलं आहे.
अभिनेता ब्रह्मानंदम यांनी एक हजारांहून अधिक सिनेमांत काम केलं आहे. भारतीय सिनेमाविश्वासाठी सर्वोत्कृष्ट योगदान दिल्याबद्दल त्यांना २००९ मध्ये पद्मश्री अॅवॉर्डनं सन्मानित करण्यात आलं. एका मुलाखतीमध्ये ब्रह्मानंदम यांनी सांगितलं की, ‘जर तुम्ही विनोदी अभिनेता आहात तर दैनंदिन जीवनाकडे आणि आसपासच्या लोकांचं बारकाईनं निरीक्षण करायला हवं. जेणे करून त्यांच्या स्वभावातील बारकावे तुम्हाला अभिनयात आणता येतील.’
एका सिनेमासाठी घेतात इतकं मानधन
ब्रह्मानंदम एका सिनेमासाठी जितके मानधन घेतात, ते कोणत्याही बॉलिवूडच्या सुपरस्टार्सपेक्षा जास्त आहे. ब्रह्मानंदम एका सिनेमासाठी एक कोटी रुपये घेतात. तर २४ तासांत ते पाच लाख रुपये कमावतात. केवळ इतकंच नाही तर त्यांच्याकडे आलिशान गाड्या आहेत. इतकंच नाही तर त्याचं घर देखील आलिशान आहे.