दीपक काशिनाथ राठोड (वय ३५) असे हत्या झालेल्या व्यक्तीचे नाव असून विठ्ठल मंगेश चव्हाण (वय २२) असे आरोपीचे नाव आहे. या प्रकरणी आरोपीविरोधात गुन्हा दाखल करण्यात आला आहे. या घटनेने परिसरात एकच खळबळ उडाली आहे.
संजय राऊतांनी बंडखोरांना पुन्हा डिवचलं, ‘सामना’च्या फ्रंट पेजवर जखमेवर मीठ चोळणारी जाहिरात
पोलिसांनी दिलेल्या माहितीनुसार, आरोपी विठ्ठल चव्हाण आणि दीपक राठोड एकाच रूमवर राहत होते. त्या दोघांनाही दारूचे प्रचंड प्रमाणात व्यसन होते. अनेकदा ते दारू पिऊन घरी यायचे. चाकण परिसरात ते दोघेही कामाला होते. एका रात्री दोघेही दारू पिऊन जवळ असलेल्या चायनीज पदार्थ असेलेल्या गाडीवर जेवण करण्यासाठी आले होते. जेवणादरम्यान त्या दोघांमध्ये काही किरकोळ कारणावरून वाद झाला.
त्यावेळी दारूच्या नशेत असणाऱ्या विठ्ठलची दीपक राठोड सोबत त्याची झटापट झाल्याने त्यात विठ्ठल याने रस्त्यावर पडलेला दगड दिपकच्या डोक्यात घातला. त्यात दिपकचा जागीच मृत्यू झाला. हत्या केल्यानंतर तो घटनास्थळावरून फरार झाला. स्थानिकांनी पोलिसांना याबाबत माहिती दिली. पोलिसांनी घटनेचे गांभीर्य ओळखता आरोपीचा शोध घेण्यासाठी सापळा लावला आणि त्याला अवघ्या चार तासात पळून जाण्याच्या तयारीत असताना ताब्यात घेतले. पोलिसांनी खाकीचा हिसका दाखवताच त्याने हत्येची कबुली दिली. दरम्यान, या प्रकरणी पोलीस अधिक तपास करत आहेत.
एकाला संपवलाय, तुला पण संपवतो…! पुण्यात मनसेच्या जिल्हाध्यक्षावर गोळीबार