ठाणे जिल्हा बँकेला मोठा धक्का
ठाणे जिल्हा बँकेनं २०१७ मध्ये सीनियर बँक असिस्टंट आणि ज्युनिअर बँक असिस्टंट पदांची नोकरभरती प्रक्रिया राबवली होती. १६ ऑक्टोबर २०१७ रोजीच्या जाहिरातीद्वारे राबवलेल्या भरती प्रक्रियेत मोठ्या अनियमितता झाल्याचा ठपका हायकोर्टाने ठेवला आहे. नोकरभरतीमध्ये अनियमितता झाल्याचा ठपका ठेवत हायकोर्टानं भरती प्रक्रिया रद्द केली आहे.
नव्यानं भरती प्रक्रिया राबवण्याचे आदेश
हायकोर्टानं ठाणे जिल्हा बँकेची २०१७ ची सीनियर बँक असिस्टंट आणि ज्युनिअर बँक असिस्टंट पदांची नोकरभती रद्द करताना नव्यानं आदेश देखील जारी केले आहेत. या आदेशानुसार ठाणे जिल्हा मध्यवर्ती सहकारी बँक, राज्य सरकारच्या सहकार विभागाला नव्यानं भरती प्रक्रिया राबवावी लागणार आहे. आयबीपीएस किंवा भारतीय रिझर्व्ह बँकेने शिफारस केलेल्या एखाद्या प्रतिष्ठित एजन्सीमार्फत नव्याने भरती प्रक्रिया राबवण्याचा आदेश हायकोर्टाना बँकेला आणि राज्य सरकारच्या सहकार विभागाला दिला आहे.
आमच्या मनातील मुख्यमंत्री देवेंद्र फडणवीसच, नवनीत राणांच्या पोटातलं ओठावर आलं!
वयोमर्यादेबाबत कोर्टानं काय म्हटलं
नव्या भरती प्रक्रियेत पूर्वी अर्ज केलेल्या उमेदवारांना पुन्हा अर्ज करण्याची मुभा असेल आणि त्यांना वयोमर्यादेची अट लागू होणार नाही. मात्र, नव्या अर्जदारांना वयोमर्यादेची अट लागू असेल, असेही हायकोर्टाने आदेशात स्पष्ट केले आहे.
पाकिस्तानची आर्थिक परिस्थिती डबघाईला, टाटांसह भारतीय कंपन्यांचे भविष्य अंधारात; आता काय होणार?
तक्रारीकडे दुर्लक्षामुळं हायकोर्टात धाव
ठाणे जिल्हा मध्यवर्ती सहकारी बँकेने नोकरभरती प्रक्रियेत अनेक अनियमितता केल्या असल्याचे तक्रारींद्वारे निदर्शनास आणूनही ठाणे जिल्हा सहकारी संस्था उपनिबंधकांनी आणि राज्याच्या सहकार विभागाने त्याकडे दुर्लक्ष केल्याने सोनाली दुपारे व अन्य काही उमेदवारांनी हायकोर्टात याचिकेद्वारे आव्हान दिले होते. हायकोर्टानं २०१७ ची नोकरभरती रद्द केल्यानं ठाणे जिल्हा मध्यवर्ती सहकारी बँक काय भूमिका घेणार हे पाहावं लागणार आहे.
तुम्ही उपमुख्यमंत्री नाही मुख्यमंत्रीच, भर सभेत खासदार नवनीत राणांकडून देवेंद्र फडणवीसांचं कौतुक