मराठ्यांची आणखी एक शौर्यगाथा मांडणाऱ्या ‘बलोच’ चित्रपटाविषयी प्रेक्षकांमध्ये कमालीची उत्सुकता आहे. पानिपतच्या पराभवानंतर बलुचिस्तानातील गुलामगिरीत होरपळलेले मराठे या सिनेमात पाहायला मिळतील. शिवाय त्याठिकाणी काय भयाण वास्तवाला त्यांना सामोरे जावे लागले याचे चित्रण ‘बलोच’मध्ये असणार आहे. ‘बलोच’ या चित्रपटाचे दिग्दर्शन प्रकाश जनार्दन पवार यांचे असून सिनेमाचे नवीन पोस्टर झळकले आहे. याशिवाय ‘बलोच’ सिनेमाच्या प्रदर्शनाची तारीखही जाहीर झाली आहे. येत्या ५ मे रोजी ‘बलोच’ चित्रपटगृहात प्रदर्शित होईल. विश्वगुंज पिक्चर्स आणि कीर्ती वराडकर फिल्म्स प्रस्तुत या चित्रपटात प्रवीण विठ्ठल तरडे मुख्य भूमिकेत दिसतील. त्यांच्या आणखी एका ऐतिहासिक भूमिकेसाठी प्रेक्षक उत्सुक आहेत.
हे वाचा-मेहंदी रंगली गं! वनिता खरातच्या घरी लगीनघाई; ‘महाराष्ट्राची हास्यजत्रा’ टीमचा धुमाकुळ
वीर मराठ्यांच्या अनेक लढाया मोठ्या पडद्यावर साकारण्यात आल्यात. पानीपतची लढाईदेखील नाटक-सिनेमांद्वारे प्रेक्षकांसमोर दाखवण्यात आली. मात्र या घटनेविषयी जाणून घेता येईल तेवढे कमी आहे. पानिपतच्या पराभवानंतर मराठ्यांना बलुचिस्तानात गुलामगिरी पत्करावी लागली होती. मराठ्यांनी लढलेल्या या अपरिचित लढ्याची शौर्यगाथा प्रेक्षकांना ‘बलोच’मध्ये पाहायला मिळेल.
हे वाचा-बॉलिवूडचे प्रसिद्ध कोरिओग्राफर विशाखा सुभेदारच्या डान्सवर फिदा; अभिनेत्री म्हणाली- आज दिन बन गया!
प्रवीण तरडेंचा नवा लूक
दरम्यान सिनेमाचे पोस्टर समोर आल्यानंतर त्यामधील तरडेंचें रौद्र रूप विशेष लक्ष वेधून घेणारे ठरले. त्यांच्या नजरेतून क्रोध स्पष्टपण व्यक्त होत आहे. ‘बलोच’च्या माध्यमातून पुन्हा एकदा ऐतिहासिक आठवणींना उजाळा दिला जाईल. दरम्यान या सिनेमाची कथा, पटकथा प्रकाश जनार्दन पवार यांचीच आहे. महेश करवंदे (निकम), जीवन जाधव, गणेश शिंदे, जितेश मोरे, नेमाराम चौधरी, संतोष बळी भोंगळे या सिनेमाचे निर्माते असून पल्लवी विठ्ठल बंडगर, दत्ता काळे, सुधीर वाघोले, विजय अल्दार, सहनिर्माते आहेत.