तहसीलच्या संजय गांधी विभागाच्या नायब तहसीलदार आशा वाघ-गायकवाड याचं निवासस्थान बीड रोडवरील बीएसएनएल टॉवरच्या पाठीमागे आहे. दुपारी २:३० वाजता घरून जेवण करून आशा वाघ या तहसील कार्यालयाकडे निघाल्या. एका चार चाकी गाडीतून त्यांच्या भावाची बायको सुरेखा मधुकर वाघ, तिचा भाऊ हरिदास भास्कर महाले आणि तिची आई मुंजाबाई भास्कर महाले आणि एक अनोखी महिला व वाहन चालक यांनी त्यांना रस्त्यात अडवले. जळगाव जिल्ह्यातील दोनडिगर येथील जमिनीच्या हक्क सोड पत्रावर सही करण्यासाठी त्यांनी जबरदस्ती केली. तसेच तुझ्यामुळे मधुकर वाघ हा तुरुंगात असल्याने त्याची सुटका करण्यासाठी पोलीस केस मागे घे, असे म्हणून त्यांच्यात बाचाबाची झाली. आणि त्या महिलांनी त्यांच्या गळ्यात दोरीचा फास टाकून गळा आवळला. हरिदास महाले याने अंगावर पेट्रोल सदृश्य ज्वलनशील पदार्थ टाकला आणि त्यांना पेटवून देण्यासाठी माचीस किंवा लायटर काढीत असताना नायब तहसीलदार आशा वाघ- गायकवाड यांनी आरडाओरड केली. आणि बीड रोडवरील हॉटेल मधूबनच्या दिशेने त्या पळाल्या, अशी माहिती सूत्रांनी दिली.
लोक जमा होताच हल्लेखोर हे गाडीतून पळून गेले. हल्ल्यात आशा वाघ-गायकवाड या जखमी झाल्या. दरम्यान, आशा वाघ गायकवाड यांच्यावर केज येथील उपजिल्हा रुग्णालयात उपचार सुरू आहे. पोलीस घटनेची सविस्तर माहिती घेत आहेत.
अभ्यास लक्षात राहत नाही, विद्यार्थिनी होती तणावात, तिने जे केले ते पाहून पालकांच्या पायाखालची जमीनच सरकली
सख्ख्या भावाने केला होता जीवघेणा हल्ला
या पूर्वी ६ जून २०२२ मध्ये केज तहसील कार्यालयात त्यांचा सख्खा भाऊ मधुकर वाघ याने धारदार कोयत्याने त्यांच्यावर जीवघेणा हल्ला केला होता. त्यात त्या गंभीर जखमी झाल्या होत्या. त्या प्रकरणी मधुकर वाघ आणि अन्य एकावर केज पोलीस ठाण्यात ७ जून रोजी गु. र. नं. २२२/२०२२ नुसार भा. दं. वि. ३५३, ३०७, ३३३ आणि ५०६ नुसार गुन्हा दाखल करण्यात आला आहे. त्या प्रकरणी मधुकर वाघ हा तुरुंगात आहे. या प्रकरणी सुनावणी सुरू आहे.
तिहेरी अपघातात कॉलेज विद्यार्थी गंभीर जखमी, कुटुंबाची बिकट परिस्थिती, मित्र मदतीला सरसावले