नाशिक : नाशिक पदवीधर मतदारसंघातून काँग्रेस पक्षाकडून डॉ. सुधीर तांबे यांना उमेदवारी जाहीर झालेली असताना शेवटच्या क्षणी मोठा ट्विस्ट पाहायला मिळाला. आपल्या मुलासाठी डॉ. सुधीर तांबे यांनी निवडणुकीच्या रिंगणातून माघार घेत असल्याचं जाहीर करत सत्यजीत तांबे यांच्यासारख्या नव्या नेतृत्वाला संधी मिळण्याची गरज आहे. सत्यजीतकडे व्हिजन आहे. गेली २० वर्ष तो संघटनेत काम करतोय. आताही तो चांगला काम करेल, असा विश्वास डॉ. सुधीर तांबे यांनी व्यक्त केला. दुसरीकडे काँग्रेस पक्षाकडूनच मला उमेदवारी अर्ज दाखल करायचा होता. परंतु काही तांत्रिक कारणांनी ते शक्य झालं नसल्याने माझा उमेदवारी अर्ज अपक्ष म्हणून दाखल केला आहे. ही जागा बिनविरोध करण्यासाठी मी सगळ्याच पक्षांच्या नेत्यांना विनंती करणार आहे. विधान परिषदेच्या अनेक जागांच्या निवडणुका बिनविरोध झालेल्या आहेत. मागची पार्श्वभूमी लक्षात घेऊन ही जागा देखील बिनविरोध करावी, अशी विनंती मी सगळ्याच पक्षाच्या नेत्यांना भेटून करणार असल्याचं सत्यजीत तांबे यांनी सांगितलं. असं असलं तरी भाजपकडून धनंजय जाधव यांना उमेदवारी जाहीर झाली आहे.
सत्यजीत तांबे काय म्हणाले?
मी पदवीधर मतदारसंघाची निवडणूक लढवावी, असा काँग्रेसमधील अनेकांचा आग्रह होता. पण पक्षाने सुधीर तांबे यांना उमेदवारी जाहीर केली. तांत्रिक अडचणीमुळे शेवटच्या क्षणी मी दोन उमेदवारी अर्ज भरले, एक काँग्रेसचा होता, एक अपक्ष होता. परंतु, माझ्या नावाचा एबी फॉर्म न मिळाल्याने मला अपक्ष म्हणूनच निवडणूक लढवावी लागेल. मी काँग्रेस पक्षाचाच उमेदवार आहे, मी आजपर्यंत काँग्रेसच्याच विचारावर काम केले आहे. मी सर्वच राजकीय पक्षाच्या नेत्यांना भेटणार आहे आणि विनंती करणार आहे. राजकीय पक्षाच्या विचारसरणीच्या,सीमांच्या पलीकडे या निवडणुकीत सर्वांनी माझ्या पाठिशी उभे राहावे, अशी माझी अपेक्षा आहे.
सत्यजीत तांबे काय म्हणाले?
मी पदवीधर मतदारसंघाची निवडणूक लढवावी, असा काँग्रेसमधील अनेकांचा आग्रह होता. पण पक्षाने सुधीर तांबे यांना उमेदवारी जाहीर केली. तांत्रिक अडचणीमुळे शेवटच्या क्षणी मी दोन उमेदवारी अर्ज भरले, एक काँग्रेसचा होता, एक अपक्ष होता. परंतु, माझ्या नावाचा एबी फॉर्म न मिळाल्याने मला अपक्ष म्हणूनच निवडणूक लढवावी लागेल. मी काँग्रेस पक्षाचाच उमेदवार आहे, मी आजपर्यंत काँग्रेसच्याच विचारावर काम केले आहे. मी सर्वच राजकीय पक्षाच्या नेत्यांना भेटणार आहे आणि विनंती करणार आहे. राजकीय पक्षाच्या विचारसरणीच्या,सीमांच्या पलीकडे या निवडणुकीत सर्वांनी माझ्या पाठिशी उभे राहावे, अशी माझी अपेक्षा आहे.
मला सर्वांचा पाठिंबा मिळावा, असा प्रयत्न मी करणार आहे. अद्याप मी भाजपच्या कोणत्याही नेत्याशी बोललेलो नाही. काँग्रेस पक्षाच्या कोट्यात ही जागा होती, त्यामुळे कोण उमेदवार असणार, हा निर्णय आमचा होता. काँग्रेस पक्षाने सुधीर तांबे यांना उमेदवारी जाहीर केली. त्यामुळे मला तीन वाजेपर्यंत एबी फॉर्म मिळू शकला नाही. त्यामुळे मी अपक्ष लढणार आहे. मी मनसे, भाजप, रासप यासह सर्व राजकीय पक्षांना मला निवडून देण्याचे आवाहन करत आहे. मी गेल्या २२ वर्षांपासून संघटनेत काम करत आहे. युवकांचे प्रश्न मांडत आहे. हे प्रश्न मोठ्या पटलावर घेऊन जायचे असतील तर विधानपरिषदेसारख व्यासपीठ हा उत्तम पर्याय आहे. त्यामुळे सर्व पक्षांनी मला पाठिंबा द्यावा, असे सत्यजीत तांबे यांनी म्हटले.