चंद्रगिरी मंडळातील नायडूपेट-पूथलापट्टू मुख्य रस्त्यावर ही घटना घडली आहे. महाराष्ट्र राज्यातील सोलापूर शहर येथील नऊ जणांचा जथ्था तिरुमला येथे दर्शन घेऊन कानिपकमकडे जात असताना हा अपघात झाला आहे. अपघातग्रस्त तरुण सोलापूर शहरातील जुळे सोलापूर या सोसायटीत राहत असल्याची प्राथमिक माहिती समोर आली आहे.
ऋषिकेश, मयूर, अजय, रोहन, राहुल, श्रीनार्लेकर, अंतरवू, सुनील आणि अंबादास अशी कारने प्रवास करणाऱ्या तरुणांची नावे असल्याची प्राथमिक माहिती प्राप्त झाली आहे. मृतांचा आकडा वाढण्याची भीतीही व्यक्त केली जात आहे.
हेही वाचा : विवाहाच्या तोंडावर लग्नघराला आग, बस्ता पेटला, लाखोंची रोकड भस्मसात, स्वप्नांची राख
जखमींना तातडीने रुग्णवाहिकेतून तिरुपती रुईया रुग्णालयात उपचारासाठी दाखल करण्यात आले आहे. घटनेची माहिती मिळताच पश्चिम डीएसपी नरसप्पा रुया रुग्णालयात पोहोचले. चंद्रगिरी पोलिसांनी अपघाताचा गुन्हा दाखल केला असून तपास सुरू आहे.
हेही वाचा : मुंबई-गोवा हायवेवर चार लाखांची गोवा मेड दारु नेताना पकडलं, स्कोडा कारसह चालक ताब्यात