इगतपुरी तालुक्यातील मुंढेगाव येथे जिंदाल कंपनीत मोठी आग लागली. जिंदालच्या अग्निशमन विभागासह महिंद्रा अँड महिंद्रा, घोटी टोलनाका येथील अग्निशमनच्या बंबांकडून आग नियंत्रणात आणण्याचे प्रयत्न सुरू आहेत. नाशिक महापालिकेचे बंबही आग नियंत्रणात आणण्यासाठी मुंढेगावकडे रवाना झालेत. नाशिक ग्रामीण अग्निशमन दलाचे जवान घटनास्थळी दाखल झाले आहेत. आगीचे लोळ दूरवर दिसत होते.
जिंदाल कंपनीत आग लागल्यानंतर कामगारांना सुरक्षित ठिकाणी हलवलं
धक्कादायक! कपडे खरेदीसाठी गेलेल्या युवकाला मॉलमध्ये बेदम मारहाण; एक दिवस कोंडूनही..
नाशिकजवळ जिंदालच्या कंपनीत आग
दरम्यान, घटनास्थळावर बचाव कार्य सुरू असून परिसरात या घटनेने एकच खळबळ उडाली आहे. तर परिसरात मोठा प्रमाणात घबराटीचे वातावरण निर्माण झालेले आहे. कंपनीत लागलेली भीषण असून कंपनीतीलच काम करणारे काही कामगार होरपळून जखमी झाल्याची माहिती मिळाली आहे. पण अद्यापही आगीचे कारण समजू शकलेले नाही. कंपनीला भीषण आग लागल्याने छोटे छोटे स्फोट होत असल्याची माहिती आहे.
हवेच्या शुध्दतेसाठी २१ कोटींचे अनुदान; केंद्राकडून राज्यातील १२ महापालिकांना निधी
जखमी कामगारांवर खासगी हॉस्पिटल्समध्ये उपचार
जिंदाल पोलिफिल्म कंपनीत जखमी घालेल्या नऊ जणांना शहरातील खासगी हॉस्पिटलमध्ये दाखल करण्यात आले आहे. आणखी दोन कामगारांनाही खासगी हॉस्पिटलमध्ये दाखल करण्यात येत असल्याची माहिती जिल्हा शल्य चिकित्सक डॉ. अशोक थोरात यांनी दिली. जिल्हा रुग्णालयाच्या सहा रुग्णवाहिका जिंदाल कंपनीकडे रवाना झाल्या आहेत.