पुण्यातील येरवडा कारागृहात कैदी पिसाळला; मोक्कातील आरोपी नाना गायकवाडवर हल्ला

पुणे : पुण्यातील येरवडा मध्यवर्ती कारागृहात काही दिवसांपूर्वी जुने कैदी आणि नवीन कैदी यांच्यात दगडफेकेची घटना ताजी असताना आज येरवडा कारागृहातील सर्वात श्रीमंत कैदी अशी ओळख असलेल्या नाना गायकवाड याच्यावर वार करण्यात आल्याची घटना घडली आहे. या घटनेमुळे येरवडा मध्यवर्ती कारागृहात खळबळ उडाली.

या प्रकरणी येरवडा मध्यवर्ती कारागृहाचे पोलीस कारागृह हवालदार सुभाष मानसिंग दरेकर, (वय ५४ वर्षे) यांनी फिर्याद दिली आहे. बंदी सुरेश बळीराम दयाळू याने लोखंडी पत्र्याच्या तुकडयाच्या सहाय्याने वार गायकवाड यांच्यावर वार केला आहे.

आज सकाळी ११ वाजून ४५ मिनिटांच्या सुमारास खोली क्र.१ व खोली क्र.१२ हया दोन खोल्यांची तेथे न्यायाधीन बंदी साफसफाई करीत होते. त्यावेळी खोली क्र.१ मधील न्यायाधिन बंदी नानासाहेब शंकरराव गायकवाड हा त्याच्या खोलीच्या समोर खुर्चीवर बसलेला होता. त्यावेळी खोली क्रमांक १२ मधील न्यायाधीन बंदी सुरेश बळीराम दयाळू हा पाठीमागे उभा होता व त्याने पोलिसांची नजर चुकवून कोणतेही कारण नसताना त्याच्या हातातील लोखंडी पत्र्याच्या तुकडयाचे सहाय्याने न्यायाधीन बंदी नानासाहेब शंकरराव गायकवाड याच्या उजव्या गालाच्या वरील बाजूस मारुन त्याला जखमी केले व पाठीमागील खोलीकडे जाऊ लागला.

क्लिक करा आणि वाचा- मलाही हवा जातीचा दाखला, टॉमी नावाच्या कुत्र्याने आधारकार्डसह केला अर्ज, अधिकारी भडकले आणि…

त्यानंतर पोलिसांनी लागलीच न्यायाधीन बंदी सुरेश बळीराम दयाळू यास लगेचच पकडून त्यांच्या खोलीमध्ये बंद केले. त्यानंतर नानासाहेब गायकवाड यांना उपचारासाठी कारागृह रुग्णालय येरवडा येथे दाखल केलेले आहे. बंदी सुरेश बळीराम दयाळू याच्याविरुध्द वरिष्ठ तुरुंग अधिकाऱ्याच्या यांच्या आदेशाने येरवडा पोलीस स्टेशन येथे तक्रार देण्यात आली आहे.

बंदी सुरेश बळीराम दयाळू याने कोणतेही कारण नसताना त्याच्या हातातील लोखंडी पत्र्याच्या तुकडयाच्या सहाय्याने पोलिसांची नजर चुकवून न्यायाधीन बंदी नानासाहेब शंकरराव गायकवाड याच्या उजवे गालाच्या वरील बाजूस वार करून त्याला जखमी केले. या घटनेनंतर बंदी असलेल्या सुरेश बळीराम दयाळू याच्या विरुध्द भा.द.वि. कलम ३२४ प्रमाणे तक्रार दाखल करण्यात आली आहे.

क्लिक करा आणि वाचा- तुमच्या शेतात सोनं आहे; काढून देण्यासाठी घेतले १ लाख रुपये, जमिनीतून पितळी तांब्या निघाला आणि…

बंदी नाना गायकवाड याला येरवडा कारागृहातून दुसरीकडे हलविण्यासाठी याआधीच पुणे पोलिसांकडून अर्ज करण्यात आला होता. कारगृहात बसून सोशल मीडियाचा वापर करून फ्रेंड रिक्वेस्ट पाठविल्या प्रकरणी नाना गायकवाड याच्या विरुद्ध चतुःशृंगी पोलिस स्टेशनमध्ये दाखल असलेल्या गुन्हयातील फीर्यादीने तक्रार अर्ज केला होता. तसेच त्याच्यावर विविध मार्गांनी दबाव टाकत होता. नाना गायकवाड याला दुसऱ्या तुरुंगात ट्रान्स्फर करावे असा अर्ज पोलिसांनी कोर्टात सप्टेंबर २०२२ मध्ये केला आहे.

क्लिक करा आणि वाचा- धक्कादायक! रागाच्या भरात त्याने कंडोम गळून टाकलं, त्यात होतं केळं, २४ तासांत घडलं भयंकर… डॉक्टरही उडाले