जॅकी यांची मुलगी कृष्णानं एकदा तिचे काही फोटो सोशल मीडियावर शेअर केले होते. त्या फोटोंवर टॉपलेस फोटो म्हणून टीका झाली. ते पाहताच जॅकी लेकीच्या बचावासाठी पुढं आले होते. माझ्या लेकीनं टाकलेल्या फोटोंना टॉपलेस कसं काय म्हटलं जातंय, हे कळत नाही. कमेंट करणाऱ्यांनी ते आधी पाहावेत आणि मगच त्याविषयी बोलावं, असं जॅकी यांनी ट्रोलर्संना सुनावलं होतं.
कृष्णा सिनेमात काम करणार की नाही, याबाबत ते म्हणाले होत की, ‘कृष्णाला अभिनयात रस आहे अथवा नाही, याबाबत मला माहिती नाही. माझा मुलगा टायगरही अभिनय करत आहे, पण असं त्यानं मला सांगितलं नव्हतं; पण माझ्यासारखंच या इंडस्ट्रीनं माझ्या मुलाचंही स्वागत केलं. कृष्णाला अभिनय करायचा असेल; तर मी तिला थांबवणार नाही. उलट मला त्याचा आनंदच होईल.’
कुटुंबाला प्राधान्य
जॅकी दादा नेहमीच कुटुंबाला प्राधान्य देताना दिसतात. त्यांच्या मुलांना जेव्हाही त्यांची गरज असते, तेव्हा तेव्हा ते त्यांच्यासोबत उभे असतात. जॅकी यांनी १९८७ मध्ये आयशासोबत लग्न केलं. त्यांना टायगर श्रॉफ आणि कृष्णा श्रॉफ ही दोन मुलं आहेत. टायगरही बॉलिवूडमध्ये लोकप्रिय झाला आहे.
कृष्णा असते नेहमीच चर्चेत
टायगर बॉलिवूडमध्ये लोकप्रिय झाला असला तरी, कृष्णा मात्र बॉलिवूडपासून दूर आहे. पण सोशल मीडियावर मात्र ती प्रचंड सक्रिय असते. इतकंच नाहीतर कृष्णा तिचे हाॅट आणि बोल्ड फोटो शेअर करत असते.
शुन्यातून निर्माण केलं विश्व
१ फेब्रुवारी १९५७ रोजी मुंबईतील वाळकेश्वर येथील तीन बत्ती परिसरात जन्मलेले जॅकी आज ६६ वर्षांचे झाले. ८० च्या दशकात जॅकी अॅक्शन आणि रोमँटिक हिरो म्हणून ओळखलं जात होतं. जॅकी यांनी आतापर्यंत जवळपास २५० चित्रपटांमध्ये काम केलं आहे. मात्र जॅकी यांच्या आयुष्याची गोष्ट ही कोणत्याही सिनेमाच्या कथेपेक्षा कमी नाही. चाळीत राहणारा टपोरी तरुणानं बॉलिवूडचा एक काळ गाजवला.