राहत्या घरात आढळला ज्येष्ठ गायिका वाणी जयराम यांचा मृतदेह; वयाच्या ७८ व्या वर्षी निधन

मुंबई: राष्ट्रीय पुरस्कार विजेत्या दिग्गज पार्श्वगायिका वाणी जयराम यांचे निधन झाले. संगीतविश्वाला धक्का देणारी ही बातमी अवघ्या काही तासांपूर्वीच समोर आली आहे. वाणी जयराम यांना यावर्षी अलीकडेच ‘पद्मभूषण’ या भारतातील तिसऱ्या सर्वोच्च नागरी पुरस्काराने सन्मानित करण्यात आले होते. चेन्नईतील नुंगमबक्कम येथील हॅडोस रोडवरील त्यांच्या घरी या प्रसिद्ध गायिकेने अखेरचाा श्वास घेतला. त्या ७८ वर्षांच्या होत्या. रिपोर्टनुसार त्यांच्या कपाळावर जखम झाली होती.

पोलिसांनी दिलेल्या माहितीनुसार, चेन्नई याठिकाणी असणाऱ्या राहत्या घरी त्यांचा मृतदेह आढळून आला. थाउजंड्स लाइट्स पोलीस अधिकाऱ्यांनी याविषयी माहिती दिली. ही घटना नेमकी कशी घडली याविषयीची सविस्तर माहिती आणि मृत्यूचे कारण अद्याप समोर आलेले नाही.

हे वाचा-Video: शिव ठाकरेला करण जोहरने सुनावलं अन् काढलं बिग बॉसच्या घराबाहेर?

वाणी यांनी संगीत विश्वातील मोठ्या संगीतकारांसोबत काम कले असून त्यांनी सदाबहार गाणी दिली. वाणी यांनी तामिळ, तेलुगु, कन्नड, मल्याळम, हिंदी, उर्दू, मराठी, बंगाली, भोजपुरी, तुलू आणि ओरिया असा विविध भाषांमधील गाणी गायली आहेत. वाणी यांनी देशात आणि जगभरात परफॉर्म करत भारतीय संगीताचे नाव मोठे केले. उल्लेखनीय बाब म्हणजे त्यांना तीन वेळा सर्वोत्कृष्ट पार्श्वगायिका या श्रेणीमध्ये राष्ट्रीय चित्रपट पुरस्कार मिळाला आहे. वाणी यांना तामिळनाडू, महाराष्ट्र, आंध्र प्रदेश, केरळ, गुजरात आणि ओडिशा या राज्यांकडून राज्य पुरस्कारानेही सन्मानित करण्यात आले.

हे वाचा-इंफाळ हादरलं! सनी लिओनीच्या कार्यक्रमात ग्रेनेड स्फोट

वाणी यांनी अलीकडेच एक व्यावसायिक गायिका म्हणून संगीत विश्वामध्ये ५० वर्ष पूर्ण केली. त्यांनी या कारकिर्दीत १०,००० हून अधिक गाणी रेकॉर्ड केली आहेत.एमएस इलैयाराजा, आरडी बर्मन, केव्ही महादेवन, ओपी नय्यर आणि मदन मोहन या दिग्गज संगीतकारांसह काम केले आहे.