तितिक्षानं एक व्हिडिओ शेअर केलाय. या व्हिडिओ तिच्यासाठी खूप खास आहे. एका खेळण्याच्या दुकानाचा हा व्हिडिओ आहे. या व्हिडिओला कॅप्शन देताना तिनं जे काय लिहिलंय त्यामुळं हे दुकान का खास आहे, हे कळतं.
तितीक्षानं लिहिलंय की…
गेल्या २५ वर्षांपासून हे आमचं दुकान आहे. कधीतरीच आम्ही दुकानात जातो. पण जेव्हाही जातो तेव्हा आमच्या सुरू असलेल्या प्रोजेक्टचं पोस्टर आम्हाला दुकानाच्या दरवाज्यावर दिसतं. पप्पांना हे कसं जमतं कुणास ठाऊक. आमच्यावर असलेल प्रेम , अभिमान व्यक्त करण्याची ही त्यांची पद्धत.पालकांना आमचं यश साजरं करताना पाहणं हा आमच्या आयुष्यातील सर्वात खास क्षण आहे, असं तितिक्षानं म्हटलं आहे.
तितिक्षाच्या या व्हिडिओवर अनेक सेलिब्रिटींनाही भावुक कमेंट्स केल्या आहेत. तर चाहते आणि नेटकऱ्यांनी लाइक्स आणि कमेंट्सचा वर्षाव केला.
तितिक्षानं शेअर केलेल्या व्हिडिओत खूशबू नॉवेल्टी नावाचं एक खेळण्याचं दुकानं आहे. डोंबिवली पूर्व इथं त्यांचं हे दुकान आहे. मराठी छोट्यापडद्यावरील अभिनेत्री तितिक्षा तावडे आणि अभिनेत्री खुशबू तावडे या दोघीही सख्या बहिणी आहेत. सोशल मीडियावरील त्यांच्या फोटोंमधून त्यांच्यात असलेलं बाँण्डिंग दिसून येतं. खुशबू आणि तितिक्षा एकमेकांच्या फक्त बहिणीच नाहीत तर सपोर्टर, उत्तम समीक्षक आहेत. दोघींच्या कामाबद्दल किंवा निवडीबद्दल त्या एकमेकींना मार्गदशनही करतात.
तितिक्षा तावडे आणि खुशबु तावडे वडीलांच्या पावलावर पाऊल टाकत बिझनेसवुमनही झाल्या आहेत. काही वर्षांपूर्वी त्यांनी दोघींनी मिळून एक कॅफे सुरू केला आहे.