अचानक इतकी गोरी कशी झाली? स्किन कलरवरुन ट्रोल करणाऱ्यांना काजोलचं चोख उत्तर

मुंबई : अभिनेत्री काजोलकडे बॉलिवूड, हिंदी सिनेमातील एक यशस्वी अभिनेत्री म्हणून पाहिलं जातं. काजोल सोशल मीडियावर अतिशय अॅक्टिव्ह असून ती सोशल मीडियावर फोटो, व्हिडिओ, प्रोफेशनल लाइफबाबत अनेक गोष्टी शेअर करताना दिसते. काही महिन्यांपूर्वी काजोलने एका मुलाखतीत सोशल मीडियावर ट्रोलिंग होणं हा तिच्या आयुष्याचा एक विचित्र भाग झाल्याचं म्हटलं होतं. आता ती ट्रोलिंगकडे गांभीर्याने पाहत नसल्याचंही तिने म्हटलं होतं. काजोलने नुकतंच तिच्या त्वचेच्या रंगावरुन तिला ट्रोल करणाऱ्यांना खास अंदाजत उत्तर दिलं आहे.

काजोलने फोटो शेअर केल्यानंतर तिला सोशल मीडियावरील एक ग्रुप ट्रोल करतो. ट्रोलिंग करत तिला स्किन लाइटनिंग ट्रिटमेंट केली का असा सवाल केला जातो.

स्किन लाइटनिंग ट्रिटमेंटबाबत बोलताना तिने त्वचेचा रंग गोरा करणारी कोणतीही ट्रिटमेंट केली नसून केवळ उन्हापासून बचाव केला असल्याचं सांगितलं. त्यामुळेच टॅन होत नसल्याचंही ती म्हणाली.

कियारा – सिद्धार्थच्या लग्नात गुरुजींनी किती घेतली दक्षिणा? मीडियाशी बोलताना खरं सांगितलं
आता काजोलने इन्स्टाग्रामवर एक स्टोरी शेअर केली. या स्टोरीमध्ये तिने संपूर्ण चेहरा झाकला असल्याचं दिसतंय. त्यावर तिने उन्हापासून बचाव होण्यासाठी काळा रंगाचा गॉगलही लावला आहे. या गेटअपमध्ये काजोल अजिबात ओळखू येत नाही. या फोटोमध्ये काजोल मास्क आणि गॉगल लावून दिसते आहे.

तु इतकी गोरी कशी झाली असा सवाल करणाऱ्या ट्रोलर्सला तिने यातून उत्तर दिलं आहे. तिने फोटो शेअर करत लिहिलंय, हा फोटो त्या सर्वांसाठी आहे, जे मला नेहमी इतकी गोरी कशी झाली असा सवाल करतात. यासोबत तिने फोटोला काही हॅशटॅगही दिले आहेत.

पठाणचं यश पाहून बिथरला अभिनेता, म्हणाला- एक सिनेमा हिट काय झाला स्वतःला महान समजायला लागला
मुलाखतीमध्ये काजोलने सांगितलं होतं ट्रिटमेंटचं सत्य

२०१४ मध्ये एका मुलाखतीवेळी काजोलने स्किन लाइटनिंगच्या अफवांवर स्पष्टीकरण दिलं होतं. मुलाखतीमध्ये तिने कोणतीही स्किन व्हाइटनिंग सर्जरी केली नसल्याचं सांगितलं होतं. मी उन्हापासून स्वत:चा बचाव केला. १० वर्ष उन्हात काम करत होती, त्यामुळेच मी टॅन झाली होती. आता मी उन्हात काम करत नाही त्यामुळे माझं टॅनिंग निघून गेलं आहे. ही कोणतीही स्किन व्हाइटनिंग सर्जरी नसून ही घरातच राहिल्याची सर्जरी असल्याचं तिने म्हटलं होतं.