दादासाहेब फाळके पुरस्कार विजेते दिग्दर्शक के विश्वनाथ यांचं निधन

चैन्नई- तेलुगू चित्रपटसृष्टीतील दिग्गज दिग्दर्शक के विश्वनाथ यांचे गुरुवारी रात्री वृद्धापकाळाने निधन झाले. ते ९२ वर्षांचे होते. के विश्वनाथ यांना २०१७ मध्ये भारतीय चित्रपटसृष्टीतील सर्वोच्च दादासाहेब फाळके पुरस्कारानेही सन्मानित करण्यात आले. के विश्वनाथ यांना कला तपस्वी म्हणूनही ओळखले जात होते. त्यांना पाच राष्ट्रीय चित्रपट पुरस्कार, तसेच राज्य नंदी पुरस्कार, दक्षिणेत १० फिल्मफेअर तर हिंदीत एक फिल्मफेअर पुरस्कार मिळाले.

१९९२ मध्ये, के विश्वनाथ यांना कला क्षेत्रातील योगदानाबद्दल आंध्र प्रदेश राज्य रघुपती व्यंकय्या पुरस्कार आणि नागरी सन्मान पददेखील मिळाले. के विश्वनाथ यांनी त्यांच्या चित्रपट कारकिर्दीची सुरुवात ऑडिओग्राफर म्हणून केली आणि ६० वर्षांच्या कालावधीत त्यांनी परफॉर्मन्स आर्ट्स, व्हिज्युअल आर्ट्स आणि सौंदर्यशास्त्र आधारित चित्रपटांसह विविध शैलींमधील ५२३ चित्रपटांचे दिग्दर्शन केले.

१९६५ मध्ये अक्किनेनी नागेश्वर राव अभिनीत ‘गोवरम’ हा के विश्वनाथ यांनी दिग्दर्शित केलेला पहिला चित्रपट होता. शंकरभरणम, स्वाथिनुथ्यम, सागरा संगमम आणि स्वयंकृष्ण हे त्यांचे सर्वात गाजलेले चित्रपट आहेत. त्यांनी २०१० मध्ये ‘सुभाप्रधाम’ हा शेवटचा चित्रपट दिग्दर्शित केला. यासोबतच त्यांनी ‘कालीसुंदरम रा’, ‘नरसिंहा नायडू’, ‘टागोर’ आणि ‘मिस्टर परफेक्ट’ सारख्या अनेक ब्लॉकबस्टर चित्रपटांमध्येही काम केले.

के विश्वनाथ यांना त्यांच्या कामासाठी आंतरराष्ट्रीय मान्यतादेखील मिळाली. आज जरी असा महान दिग्दर्शक आपल्यात नाहीत, पण के विश्वनाथ यांचे सिनेविश्वातील महत्त्वाचे योगदान सदैव स्मरणात राहील.