प्राजक्तानं नुकतीच एक खास पोस्ट शेअर केली आहे. ही पोस्ट सोशल मीडियावर व्हायरल होत आहे. ही पोस्ट खास यासाठी आहे कारण, तिच्या वडिलांचं कष्ट आणि तिचं यश दोन्ही एका फोटोत पाहायाला मिळतंय. प्राजक्ताचा फोटो असलेली कॅडबरी या चॉकलेट कंपनीचे मोठे मोठे होर्डिंग्ज सध्या पाहायला मिळताय. या कॅडबरीच्या जाहिरातीत झळकणं प्राजक्तासाठी खास आहे, कारण एक वेळ अशी जेव्हा कॅडबरीच्या कॅन्टीनमध्ये प्राजक्ताचे वडिल काम करायचे. त्यामुळं जेव्हा कॅटबरीच्या होर्डिंगवर प्राजक्ताला पाहिलं तेव्हा तिचे पालकही भावुक झाले.
काय आहे प्राजक्ताची ही पोस्ट?
मी पाच वर्षाची असताना बाबा कॅडबरी कंपनीच्या कॅन्टीनमध्ये डबल शिफ्ट करायचे. आजही बाबा जेव्हा किचनमध्ये काम करत असतात तेव्हा आम्ही म्हणतो की, तुम्ही तर खूपच फास्ट आहात, तेव्हा ते म्हणतात की, ‘अगं, माझ्याकडं शांत बसायला वेळ नाही. खूप लोकांना खायला घालायचं आहे. कॅन्टीन कामगार आहे मी..’ मला चांगलं शिक्षण मिळावं, चांगलं खायला मिळावं, मला स्वप्नं पाहता यावीत, यासाठी आई-बाबांना कष्ट कराताना मी पाहिलंय. वाट्टेत त्या नोकऱ्या केल्या त्यांनी. पण बाबा कॅडबरी कंपनीत नोकरी करायचे तेव्हाचा काळ आमच्यासाठी खूप खास राहिल. प्रत्येक दिवाळीला कंपनीतून बोनससोबत मिळणारा चॉकलेट ट्रे…आजही तितकास खास वाटतो. बाबांच्या चेहऱ्यावर काल रात्री हसू पाहिलं. मला कॅडबरीच्या होर्डिंगवर पाहून आई-बाबांच्या चेहऱ्यावर वेगळाच आनंद पाहिलाय.त्यांचा हा आनंद नेहमीच खास असणार आहे.
अनुष्काच्या कमेंटनं वेधलं लक्ष
प्राजक्ताच्या या पोस्टवर अनेक बॉलिवूड सेलिब्रिटींनी कमेंट्स केल्यात. यात अनुष्काच्या कमेंटनं सगळ्याचं लक्ष वेधलं आहे. तिनं म्हटलंय की,तुमच्या यशाचा आनंद आणि कौतुक तुमच्या पालकांपेक्षा कोणीही करत नाही. तुम्ही स्वतःही नाही. तुझ्या आईवडिलांसाठी खूप प्रेम.