तक्रारदार महिला ज्या शाळेत शिकवते, त्याच इमारतीच्या दुसऱ्या मजल्यावर आरोपी राहतो. सुरज लक्कम असं त्याचं नाव आहे. संबंधित शाळा पोलीस अधिकाऱ्याच्या नातेवाईकांच्या मालकीची आहे.
महिला शाळेपासून अवघ्या काही अंतरावर राहते. इमारतीत समोरासमोर आल्यानंतर दोघांची एकमेकांशी जुजबी ओळख झाली होती. काल संध्याकाळी महिला शाळेतून निघाल्यानंतर आरोपीने तिचा घरापर्यंत पाठलाग केल्याचं पोलिसांनी सांगितलं. आपला पाठलाग होत असल्याचं लक्षात येताच तिने झपाझप पावलं टाकायला सुरुवात केली. त्यानंतर सुरजने तिच्या नावाने हाका मारण्यास सुरुवात केली, तेव्हाही तिने दुर्लक्ष केलं.
महिला कशीबशी घरात शिरली आणि तिने दरवाजा बंद केला. मात्र त्यानंतरही कोणीतरी कीहोलमधून आत डोकावण्याचा प्रयत्न करत असल्याचं तिला जाणवलं. धक्कादायक म्हणजे कामवाली बाई आल्यावर जेव्हा महिलेने घराचा सेफ्टी डोअर उघडला, तेव्हा आरोपीने जबरदस्ती घरात घुसण्याचा प्रयत्न केला. तिला चुकीच्या पद्धतीने स्पर्श करत त्याने तिचा टीशर्टही फाडण्याचा प्रयत्न केल्याची माहिती पोलिसांनी दिली.
‘आरोपी सुरज लक्कम महिलेचा पाठलाग करत होता. ती घरात एकटी असताना त्याने आत घुसण्याचा प्रयत्न केला. महिलेने परिस्थिती लक्षात घेऊन स्वत:चा बचाव केला आणि नंतर पोलीस ठाणे गाठून या प्रकरणाची रितसर तक्रार दाखल केली.’ अशी माहिती पोलिसांनी दिली.
हेही वाचा : घरचे वाट पाहत बसले, पण त्याच्याऐवजी बातमी आली निधनाची, पिकअपच्या धडकेत बाईकस्वार ठार
पोलीस या प्रकरणाचा अधिक तपास करत असून अद्याप आरोपीला अटक करण्यात आलेली नाही. दरवाजा उघडून आपल्याशी बोलावे, असं तो वारंवार सांगत होता. मात्र माझ्या नवऱ्याशी बोल, असं उत्तर तिने दिल्याचं पोलीस अधिकारी म्हणाले. त्यावर चिडून त्याने तिला नग्न करण्याचा इशारा दिला. घाबरलेल्या महिलेने धीर एकवटून पोलिसात तक्रार दाखल केली.
हेही वाचा : दोन मित्र बुडू लागले, एकमेकांचा हातही धरला, पण तलावाखालील विहिरीमुळे घात, अकोल्यात हळहळ