म. टा. वृत्तसेवा, कळवणः वणी येथील श्री सप्तशृंग मंदिरात वर्षभरातील चैत्र व नवरात्र उत्सव पौर्णिमेसह आठवड्याच्या प्रत्येक मंगळवार, शुक्रवार व रविवार या दिवशी भाविकांची प्रचंड गर्दी असते. या गर्दीचे नियोजन व नियंत्रण करण्यासाठी श्री सप्तशृंग निवासिनी देवी ट्रस्टने सोमवारपासून (दि. १३) प्रतिव्यक्ती शंभर रुपये याप्रमाणे सशुल्क व्हीआयपी दर्शन सुविधा सुरू करण्याचा निर्णय घेतला आहे. ही सुविधा भाविकांसाठी ऐच्छिक असून भाविकांना सर्वसामान्य दर्शन व्यवस्था आहे तशी उपलब्ध असेल.
श्री सप्तशृंग निवासिनी देवी ट्रस्टने भाविकांच्या सेवा-सुविधा दिवसेंदिवस अधिक श्री भगवती दर्शन व्यवस्था सुलभ होण्यासाठी तथा त्या अंतर्गत दर्शन व्यवस्थेसह अल्पदरात केली आहे. महाराष्ट्रातील साडेतीन शक्तिपीठांपैकी आद्यस्वयंभू शक्तीपीठ म्हणून मान्यता असलेल्या आणि कोट्यवधी भाविकांचे श्रद्धास्थान असलेले श्री क्षेत्र सप्तशृंगगड हे सह्याद्री पर्वत रांगेत डोंगर पठारावर आहे. तेथे वर्षभरात लाखो पर्यावरण / निसर्गप्रेमी तथा भाविक हजेरी लावतात. समुद्र सपाटीपासून सुमारे ४६०० फूट उंचीवर असून लाखो भाविक हे श्री भगवती सप्तश्रृंगी देवीच्या दर्शनासाठी येतात.
श्री सप्तशृंग निवासिनी देवी ट्रस्टने भाविकांच्या सेवा-सुविधा दिवसेंदिवस अधिक श्री भगवती दर्शन व्यवस्था सुलभ होण्यासाठी तथा त्या अंतर्गत दर्शन व्यवस्थेसह अल्पदरात केली आहे. महाराष्ट्रातील साडेतीन शक्तिपीठांपैकी आद्यस्वयंभू शक्तीपीठ म्हणून मान्यता असलेल्या आणि कोट्यवधी भाविकांचे श्रद्धास्थान असलेले श्री क्षेत्र सप्तशृंगगड हे सह्याद्री पर्वत रांगेत डोंगर पठारावर आहे. तेथे वर्षभरात लाखो पर्यावरण / निसर्गप्रेमी तथा भाविक हजेरी लावतात. समुद्र सपाटीपासून सुमारे ४६०० फूट उंचीवर असून लाखो भाविक हे श्री भगवती सप्तश्रृंगी देवीच्या दर्शनासाठी येतात.
– ऐच्छिक सशुल्क व्हीआयपी दर्शन सुविधेचा लाभ घेणाऱ्या दहा वर्षांखालील भाविकांना सदरचा पास मात्र निशुल्क असेल.
– सशुल्क व्हीआयपी दर्शन पास हे विश्वस्त संस्थेच्या मुख्य कार्यालयात, उपकार्यालयात सकाळी ९ ते ६ वाजे दरम्यान भाविकांना उपलब्ध होऊ शकेल.
– सशुल्क व्हीआयपी दर्शन पासच्या माध्यमातून भाविकांना जलद श्री भगवती दर्शन सुविधेची संधी उपलब्ध होणार आहे.
– सप्तशृंग गडावरील स्थानिक ग्रामस्थांना आधारकार्ड तपासून मोफत दर्शन सुविधा देण्याचे नियोजक करण्यात आले आहे.