VIDEO: सलग दोन भूकंपांनी तुर्की हादरले; ७.८ रिश्टर स्केलची तीव्रता, अनेक इमारती जमिनदोस्त

तुर्कीः तुर्कीमध्ये सोमवारी भुकंपाचे तीव्र झटके बसले आहेत. या भूकंपाची तीव्रता ७.८ रीश्टर स्केल इतकी मापण्यात आली आहे. स्थानिक वेळेनुसार पहाटे ४ वाजून १७ मिनिटांनी भूकंपाचे धक्के जाणवले आहेत. तुर्की येथील गाजियांटेपजवळ भूकंपाचे धक्के बसल्याचं समोर येत आहे. या घटनेत ५ जणांचा मृत्यू झाला आहे तर एकूण ३४ इमारती कोसळल्या आहेत.

अमेरिकेतील जिओलॉजिकल सर्व्हेनुसार, भूकंपाचा केंद्रबिंदू हा जमिनीच्या खाली १७.९ किलोमीटर आत होता. जमिनीपासून कमी खोलवर भागात भूकंपाचे केंद्र असल्यामुळे तीव्र झटका लागला. यामुळेच अधिक इमारतींचे नुकसान झाले आहे. दरम्यान, तुर्कीच्या प्रशासनाकडून अद्याप कोणत्याही नुकसानीची माहिती देण्यात आलेली नाही. मात्र, सोशल मीडियावर व्हायरल झालेल्या व्हिडिओतून मोठं नुकसान झाल्याचा दावा करण्यात येत आहे. पहिल्या भूकंपानंतर ११ मिनिटांनंतर ६.७ रीश्टर स्केल इतक्या तीव्रतेच्या भूकंपाचा धक्का बसला. या भूकंपाचा केंद्रबिंदू ९.९ किलोमीटर दूर होता.

वाचाः लेकीला थापडा मारुनही राग शांत झाला नाही, जन्मदात्या आईच्या कृत्याने सगळेच हादरले
भूकंपामुळं अनेक ठिकाणी नुकसान पोहोचल्याचं वृत्त आहे. अनेक इमारतींना धक्का बसला असून त्याखाली काही लोक दबले असल्याचे चिन्हे आहेत. या भूकंपानंतर सिरीया, इस्त्राइल, लेबनान, इराक, इस्त्रायल, फिलीस्तीन, साइप्रेसपर्यंत भूकंपाचे धक्के जाणवले. सोशल मीडियावर जे व्हिडिओ व्हायरल झालेत त्यात स्पष्टपणे दिसतेय की भूकंपामुळं इमारती कोसळल्या असल्याचं दिसत आहे.

वाचाः तुम्हीदेखील घराबाहेर चावी लपवून ठेवताय?; पुण्यात घडलेली ही धक्कादायक घटना एकदा वाचाच