कंपनीने जाहीर केलेल्या नोटिफिकेशननुसार, आयटीआय श्रेणीसाठी ३,५०८ आणि बिगर आयटीआय श्रेणीसाठी १८८७ रिक्त जागा सोडण्यात आल्या आहेत. या रिक्त पदांसाठी अर्ज प्रक्रिया सुरु असून ३० मार्च २०२३ ही अंतिम तारीख आहे.
YIL Job 2023: अर्ज प्रक्रिया
यंत्र इंडिया अंतर्गत आयटीआय आणि बिगर आयटीआय श्रेणीच्या उमेदवारांना ऑनलाइन माध्यमातून अर्ज करता येणार आहे. अर्ज करण्यास इच्छुक उमेदवारांनी सर्वप्रथम अधिकृत वेबसाइट yantraindia.co.in वर जाऊन नोटिफिकेशन डाऊनलोड करावे.
करिअर विभागात सक्रिय लिंकवरुन ऑनलाइन अर्ज करा. बातमीखाली याची थेट लिंक देण्यात आली आहे.
अर्ज प्रक्रियेचा एक भाग म्हणून, उमेदवारांना प्रथम नोंदणी करावी लागेल आणि नंतर नोंदणीकृत तपशीलांसह लॉग इन करून, उमेदवार त्यांचे अर्ज सबमिट करू शकतील.
पात्रता निकष
आयटीआय श्रेणीसाठी अर्ज करणाऱ्या उमेदवारांनी मान्यताप्राप्त शिक्षणसंस्थेतून दहावी उत्तीर्ण असणे आवश्यक आहे. तसेच संबंधित ड्रेडमधील एनसीव्हीटी किंवा एससीव्हीटी प्रमाणपत्र असणे आवश्यक आहे.
बिगर आयटीआय श्रेणीसाठी उमेदवारांनी गणित आणि विज्ञान या विषयात किमान ४० टक्के गुणांसह दहावी उत्तीर्ण असणे आवश्यक आहे. तसेच विद्यार्थ्यांना एकूण किमान ५० टक्के गुण असणे आवश्यक आहे.
दोन्ही प्रवर्गासाठी उमेदवारांचे वय १ मार्च २०२३ रोजी १५ वर्षांपेक्षा कमी आणि २४ वर्षांपेक्षा जास्त नसावे. राखीव प्रवर्गातील उमेदवारांना कमाल वयोमर्यादेत सवलत दिली जाईल, याची नोंद घ्या.
पदभरतीचा तपशील पाहण्यासाठी येथे क्लिक करा
अधिकृत वेबसाइटवर जाण्यासाठी येथे क्लिक करा