ओप्पोने आपल्या वेबसाइटवर रेनो १० मालिकेसाठी एक वेगळी मायक्रोसाइट तयार केली आहे. या व्यतिरिक्त, ही मायक्रोसाइट फ्लिपकार्टवर देखील दिसत आहे. त्यामुळे फ्लिपकार्टवर या फोनची विक्री होईल हे देखील समोर आले आहे. ओप्पोच्या साइटवर बनवलेल्या मायक्रोसाइटवरुन समोर आलं आहे की, या तिन्ही मॉडेल्सना 3D कर्व्ह स्क्रीन मिळतील. स्क्रीनच्या मध्यभागी पंच-होल कटआउट दिले जाईल. डिव्हाइस स्लिम डिझाइन असणारे असणार आहे.
फोनचे इतर फीचर्स
Reno 10 Pro+ 5G बद्दल आणखी समोर आलेल्या माहितीत दिसत आहे की, या फोनमध्ये OIS समर्थनासह ६४ मेगापिक्सेल पेरिस्कोप टेलीफोटो कॅमेरा असेल. फोनमध्ये ५० मेगापिक्सेलचा सोनी IMX890 प्रायमरी सेन्सर आणि OIS सपोर्टसह तिसरा सेन्सर देखील मिळेल. फोनमध्ये ३२ मेगापिक्सलचा टेलीफोटो पोर्ट्रेट कॅमेरा मिळेल. स्क्रीन 120Hz रिफ्रेश रेटसह येईल. मेमरीचं म्हणाल तर फोन 12 GB RAM आणि 256 GB इनबिल्ट स्टोरेज प्रकारांमध्ये उपलब्ध केले जातील. हा हँडसेट ग्लॉसी पर्पल आणि सिल्व्हर ग्रे रंगांमध्ये सादर केला जाईल. त्याच वेळी, OPPO Reno 10 5G 8 GB रॅम आणि 256 GB स्टोरेज वेरिएंटमध्ये उपलब्ध करून दिला जाईल, जो आइस ब्लू आणि सिल्व्हर ग्रे रंगांमध्ये उपलब्ध असेल.
वाचा : जर प्राणी माणसांसारखे दिसले असते तर? AI नं तयार केलेले हे ‘विचित्र’ फोटो पाहिले का?