मुंबई: हायली कॉन्फिडेन्शिअल असलेला ‘फकाट’ चित्रपट नुकताच चित्रपटगृहात प्रदर्शित झाला आहे. लहाण असो वा वयस्कर… सगळयांकडूनच सिनेमाला चांगला प्रतिसाद मिळत आहे. सगळ्याच थिएटरमध्ये ‘हाऊसफुल्ल’चे बोर्ड झळकवणाऱ्या या चित्रपटानं वीकेंडला बॉक्स ऑफिसवर अक्षरशः धुमाकूळ घातल्याचं पाहायला मिळालं.पहिल्या तीन दिवसांत फकाट या चित्रपटानं तब्बल ९१.२६ लाखांचा गल्ला जमवला आहे. जबरदस्त विनोदानं भरलेला ‘फकाट’ प्रेक्षकांच्या पसंतीस उतरल्याचं या आकड्यांवरून पाहायला मिळत आहे. या चित्रपटाबद्दल समीक्षकांकडून, प्रेक्षकांकडून सकारात्मक प्रतिक्रिया येत आहेत. त्यामुळं ‘फकाट’च्या निमित्तानं बऱ्याच काळाने मराठी सिनेसृष्टीला असा धमाकेदार चित्रपट पाहायला मिळाला आहे.
गेल्या अनेक दिवसांपासून या चित्रपटाची चर्चा सुरू होती. प्रेक्षक देखील या चित्रपटाची आतुरतेनं वाट पाहात होते. अखेर ‘फकाट’ अवघ्या महाराष्ट्रात प्रदर्शित झाला असून प्रेक्षकांच्या मनात घर करण्यात यशस्वी होत आहे. शुक्रवारी १५. २१ लाख, शनिवारी २८.३३ लाख तर रविवारी या चित्रपटाने ४७.७२ लाखांची कमाई केली आहे. प्रेक्षकांचे फक्कड मनोरंजन करणारा हा चित्रपट एलओसीसारख्या संवेदनशील विषयावर बेतलेला आहे. त्याचं गांभीर्य जाऊ न देता, सुरुवातीपासून शेवटपर्यंत मनमुराद हसवणारा हा ‘फकाट’ चित्रपट सरतेशेवटी प्रत्येकाला विचार करण्यास भाग पाडणारा आहे.
गेल्या अनेक दिवसांपासून या चित्रपटाची चर्चा सुरू होती. प्रेक्षक देखील या चित्रपटाची आतुरतेनं वाट पाहात होते. अखेर ‘फकाट’ अवघ्या महाराष्ट्रात प्रदर्शित झाला असून प्रेक्षकांच्या मनात घर करण्यात यशस्वी होत आहे. शुक्रवारी १५. २१ लाख, शनिवारी २८.३३ लाख तर रविवारी या चित्रपटाने ४७.७२ लाखांची कमाई केली आहे. प्रेक्षकांचे फक्कड मनोरंजन करणारा हा चित्रपट एलओसीसारख्या संवेदनशील विषयावर बेतलेला आहे. त्याचं गांभीर्य जाऊ न देता, सुरुवातीपासून शेवटपर्यंत मनमुराद हसवणारा हा ‘फकाट’ चित्रपट सरतेशेवटी प्रत्येकाला विचार करण्यास भाग पाडणारा आहे.
चित्रपटाच्या यशाबद्दल दिग्दर्शक श्रेयश जाधव म्हणतात, ‘प्रेक्षकांकडून मिळणार प्रतिसाद खरंच आनंददायी आहे. प्रेक्षकांचे हे प्रेम मनाला उभारी देणारे आहे. या चित्रपटासाठी प्रत्येकानेच घेतलेल्या मेहनतीचे चीज झाल्याचे समाधान आहे. हा एक मनोरंजनात्मक चित्रपट असून कुटुंबासमवेत पाहावा असा आहे. अनेकांनी मला फोन, मेसेजद्वारे चांगला चित्रपट असल्याची पावती दिली. आशा आहे की, येणारे पुढील अनेक आठवडे प्रेक्षकांचा असाच उत्स्फूर्त प्रतिसाद मिळेल.’
दरम्यान, वक्रतुंड एन्टरटेनमेंट्स, गणराज स्टुडिओ प्रस्तुत, निता जाधव निर्मित, या ‘फकाट’च्या निमित्तानं हेमंत ढोमे आणि सुयोग गोऱ्हे ही जोडगोळी पुन्हा एकदा प्रेक्षकांचं भरभरून मनोरंजन करत आहे. याशिवाय या चित्रपटात अविनाश नारकर, नितीश चव्हाण यांच्याही प्रमुख भूमिका आहेत. चित्रपटाचं दिग्दर्शन श्रेयस जाधव यांचं आहे.