लेनोवोने आपल्या योगा लाइनअपचा लेटेस्ट लॅपटॉप भारतीय बाजारपेठेत लाँच केला आहे. योगा बुक 9i हे रिसायकल्ड मटेरिअलपासून बनवला गेला आहे. तसंच हा टच स्क्रीन ड्युअल डिस्प्ले लॅपटॉप आहे. विशेष म्हणजे हा केवळ लॅपटॉप म्हणून नव्हे तर पुस्तक आणि टॅब्लेट म्हणून देखील वापरला जाऊ शकतो.
Lenovo Yoga Book 9i ची किंमत
तर या लेटेस्ट टेक्नोलॉजीसह येणाऱ्या लॅपटॉपची किंमत २,२४,९९९ रुपयांपासून सुरू होते. कंपनीच्या अधिकृत वेबसाइटवरून हा प्री-बुकिंग करता येईल. तसेच, लेनोवोच्या खास स्टोअर्समधून प्री-बुकिंग देखील करता येईल. ऑफर्सबद्दल बोलायचे झाल्यास, यासह निवडक कार्ड्सवर १० हजार रुपयांपर्यंतचा कॅशबॅक दिला जाईल. तसंच १०,००० रुपयांपर्यंत प्रोडक्ट एक्सचेंज बोनस दिला जाईल. प्री-बुकिंग ऑफर अंतर्गत, ३ वर्षांची विनामूल्य अपग्रेड वॉरंटी, ३ वर्षांची प्रीमियम केअर आणि ३ वर्षांचा अॅक्सीडंटल इन्शोरन्स योजना दिली जात आहे. ५ ऑगस्टपासून हा लॅपटॉप खरेदी करता येईल.
Lenovo Yoga Book 9i चे फीचर्स
हा लॅपटॉप इंटेल-कोर i7-135SU प्रोसेसरने सुसज्ज आहे. यामध्ये लाइटनिंग फास्ट परफॉर्मन्स देण्यात आला आहे. तसेच यात विशेष गोष्ट म्हणजे दोन डिस्प्ले आहेत जे 13.3 इंच 2.8K OLED स्क्रीनसह येतात. हा लॅपटॉप Tidal Teal रंगात खरेदी केले जाऊ शकतो. यासोबतच १६ जीबी रॅम आणि १ टीबी एसएसडी देण्यात आला आहे. हा मल्टीटास्किंगसाठी दमदार ऑप्शन आहे. या लॅपटॉपमध्ये ५ मेगापिक्सेलचा IR कॅमेरा आहे जो ई-शटरसह येतो. 80 Whr इतकी बॅटरी देखील यामध्ये दिली गेली आहे. याचे वजन १.४३ किलो आहे.
वाचा : Gpay वापरकर्त्यांसाठी आनंदाची बातमी! आता पिन न टाकता ही करता येणार UPI पेमेंट