कामिका एकादशी तिथी, मुहूर्त, शुभ योग, पूजाविधी आणि महत्व जाणून घेऊया

संपूर्ण मराठी महिन्यात २४ एकादशी येतात. एखाद्या वर्षी अधिक महिना आल्यास दोन एकादशी यात जोडल्या जाऊन त्या वर्षी २६ एकादशी येतात. या वर्षी अधिक मास असल्यामुळे एकूण २६ एकादशी व्रत केले जातील. चातुर्मासातील पहिली संकष्ट चतुर्थी साजरी झाल्यानंतर चातुर्मासातील पहिली एकादशी येते. या वर्षी कामिका एकादशी गुरुवार, १३ जुलै २०२३ रोजी आहे. आषाढ महिन्याच्या शुद्ध पक्षातील एकादशी आषाढी किंवा देवशयनी एकादशी नावाने ओळखली जाते. तर वद्य पक्षात येणारी एकादशी कामिका एकादशी नावाने ओळखली जाते.

Shravan 2023: यंदा ५९ दिवसांचा श्रावण; जाणून घ्या श्रावणातील सण-उत्सव आणि प्रत्येक दिवसाचे वेगळे महत्व

उत्तर आणि पूर्व भारतातील पंचांगानुसार कृष्ण पक्षापासून महिना सुरू करण्याची परंपरा आहे, तर पश्चिम भारतासह अन्य भागात शुद्ध पक्षापासून महिना सुरू करण्याची परंपरा आहे. त्यामुळे सण उत्सव परंपरा तीच असली तरी साजरी करण्याची तिथी वेगळी असते. यामुळे उत्तर भारतीयांची ही श्रावणातील पहिली एकादशी असेल तर महाराष्ट्रात ही आषाढी एकादशी म्हणून साजरी केली जाईल.

कामिका एकादशी मुहूर्त

आषाढ कृष्ण कामिका एकादशी तिथी प्रारंभ – १२ जुलै २०२३, सायं ५ वाजून ५९ मिनिटे.
आषाढ कृष्ण कामिका एकादशी तिथी समाप्त – १३ जुलै २०२३, सायं ६ वाजून २४ मिनिटे.

कामिका एकादशी शुभ योग

यावर्षी कामिका एकादशी १३ जुलै, गुरुवारी येत आहे. गुरुवार आणि एकादशी तिथी भगवान विष्णूसाठी अतिशय प्रिय मानली जाते. यासोबतच शूल योग बुधादित्य योगही या दिवशी तयार होईल. १२ जुलै २०२३ रोजी सकाळी ९.४० ते दुसऱ्या दिवशी १३ जुलै रोजी सकाळी ८.५३ पर्यंत शूल योग राहील. आषाढ कामिका एकादशीला भगवान विष्णूची पिवळ्या वस्तूंनी पूजा करणे, कथा वाचणे आणि दान केल्याने वाजपेय यज्ञ करण्यासारखे पुण्य प्राप्त होते, असे मानले जाते.

Rakshabandhan 2023: रक्षाबंधनावर यंदा भद्राची छाया, राखी बांधण्यासाठी ही आहे अशुभ वेळ

कामिका एकादशी महत्व

उपवास सोडल्यानंतर ब्राम्हणांना दान द्यावे. या दिवशी केलेल्या दानधर्माला अधीक महत्व आहे. असं म्हणतात की कामिका एकादशीची कथा श्रीकृषष्णाने धर्मराज युधिष्ठिरास सांगितली होती. या आधी वशिष्ठ मुनींनी दिलीप राजास सांगितली होती. ही कथा ऐकून त्यांना पापांपासून मुक्ती मिळाली आणि मोक्ष प्राप्तीी झाली. कामिका एकादशीचे व्रत मनोभावे आचरल्यास ब्रह्महत्येच्या पापातून मुक्तता होते, असे मानले जाते. आषाढ महिन्याच्या वद्य पक्षात येणाऱ्या कामिका एकादशीनंतर व्रत-वैकल्यांचा, सण-उत्सवांचा श्रावण मास सुरू होतो. त्यामुळे या कामिका एकादशीला अधिक महत्त्व प्राप्त होते, असे सांगितले जाते.

Shravan 2023 Vastu Tips: श्रावणात ‘या’ ५ वस्तू आणा घरी; शिवकृपेने होईल धनवृद्धी