‘एन एम डी सी’मध्ये नोकरीची संधी; इंजिनिअर्सच्या ४२ जागांसाठी भरती

नॅशनल मिनरल डेव्हलपमेंट कॉर्पोरेशन (राष्ट्रीय खनिज विकास महामंडळ) अंतर्गत एक्झिक्युटिव ट्रेनी पदांसाठीच्या भरती घोषणा केली असून, विविध शाखांमधील इंजिनिअर्ससाठी ही एक सुवर्णसंधी ठरणार आहे. देशातील विविध ठिकाणी काम करण्याची संधी देणाऱ्या या भरतीकरिता याब्ब्ल ४२ जागा रिक्त असल्याचे जाहिरातीत स्पष्ट करण्यात आले आहे.

सिव्हिल, इलेक्ट्रिकल, मटेरियल मॅनेजमेंट आणि मेकॅनिकल अशा विविध शाखांशी संबंधित विविध जागांसाठी अभियांत्रिकीचे (इंजिनिअरिंगचे) शिक्षण पूर्ण केलेल्या उमेदवारांना या भरतीकरिता अर्ज करता येणार आहे.

सदर भरतीसाठी उमेदवारांना १८ जुलै २०२३ पर्यंत ऑनलाइन पद्धतीने अर्ज करता येणार आहेत. भरतीसाठी आवश्यक शैक्षणिक पात्रता, वयोमर्यादा, नोकरीचे ठिकाण, अर्ज करण्याची शेवटची तारीख आणि इतर महत्त्वाच्या बाबींची माहिती खास तुमच्यासाठी

भरतीचा तपशील :

एकूण रिक्त पदे : ४२
पदाचे नाव: एक्झिक्युटिव ट्रेनी

सिव्हिल : ०४ जागा
हे उमेदवार करू शकतात अर्ज : सिव्हिल इंजिनिअरिंग पदवीधर

इलेक्ट्रिकल : १३ जागा
हे उमेदवार करू शकतात अर्ज : इलेक्ट्रिकल, इलेक्ट्रिकल अँड इलेक्ट्रॉनिक्स, पॉवर सिस्टीम अँड हाय व्होल्टेज इंजिनिअरिंग, पॉवर इलेक्ट्रिकल

मटेरियल मॅनेजमेंट : १२ जागा
हे उमेदवार करू शकतात अर्ज : इलेक्ट्रिकल, मॅकेनिकल किंवा सिव्हिल इंजिनिअर्स

मॅकेनिकल : १३ जागा
हे उमेदवार करू शकतात अर्ज : मॅकेनिकल, मॅकेनिकल अँड ऑटोमेशन, इंडस्ट्रिअल अँड प्रोडक्ट मॅनेजमेंट, मॅकेनिकल प्रोडक्शन, प्रोडक्ट इंजिनिअरिंग, मायनींग मशिनरी

शैक्षणिक पात्रता :

उपरोक्त शाखेतील उमेदवाराला ६० टक्के गुणांसह संबंधित विषयात इंजिनीअरिंगची पदवी आणि GATE 2023 परीक्षा दिलेली असणे अनिवार्य आहे.

वयोमर्यादा:

• खुला प्रवर्ग : १८ ते २७ वर्षे.

• ओबीसी : ३ वर्षे सूट.

• मागासवर्गीय : ५ वर्षे सूट.

अर्ज शुल्क :

• खुल्या आणि ओबीसी प्रवर्ग उमेदवारांना ५०० रुपये

• तर, मागासवर्गीय, माजी सैनिक, पीडब्ल्यूडी (PWD) प्रवर्गातील उमेदवारांना कोणत्याही प्रकारचे अर्ज शुल्क भरावे लागणार नाही.

महत्वाच्या तारखा :

० ऑनलाइन अर्ज करण्याची सुरवात : २८ जून २०२३
० ऑनलाइन अर्ज करण्याची शेवटची तारीख : १८ जुलै २०२३

अशी होईल निवड प्रक्रिया :

• पात्र उमेदवारांनी अभियांत्रिकीमधील पदवीधर असून GATE 2023 अथवा GATE 2022 ची परीक्षा उत्तीर्ण असणे अत्यंत गरजेचे आहे.

• उमेदवारांच्या गेट परीक्षेतील गुणांच्या आधारे ही निवड प्रक्रिया पार पडणार असून, शाखानिहाय उमेदवारांची निवड केली जाईल.

• निवड प्रक्रियेच्या पुढील टप्प्यासाठी (GD आणि मुलाखत) निवड प्रक्रियेतील विभाग, श्रेणीनुसार अंतिम गुणवत्ता जाहीर करू उमेदवारांना कळवले जाईल.
• NMDC Limited च्या प्रशिक्षणार्थी भरतीसाठी GATE 2023 अथवा GATE 2022 चे गुण वैध अथवा ग्राह्य धरले जातील. त्यापूर्वी दिलेल्या GATE परीक्षेचे गुण या भरतीसाठी ग्राह्य धरले जाणार नाहीत.

NMDC Limited च्या या भरतीविषयीचे नियम व अटी अर्ज करण्यापूर्वी नक्की वाचा.

अधिक माहितीसाठी आणि अर्ज भरण्यासाठी नॅशनल मिनरल डेव्हलपमेंट कॉर्पोरेशन (राष्ट्रीय खनिज विकास महामंडळ) च्या अधिकृत वेबसाइटला भेट द्या.