तुम्हीही Spotify वापरता? आता गाणी ऐकणं होणार महाग, पाहा कसा आहे नवीन प्लान?

नवी दिल्ली : Spotify चं सबस्क्रिप्शन महाग होणार अशी बातमी समोर येत आहे. म्हणजे आता तुम्हाला Spotify वर म्युझिक ऐकण्यासाठी जास्त पैसे द्यावे लागणार आहेत. तर आजकाल सर्वकाही ऑनलाईन झालं आहे. त्यामुळे आधी लोक गाणी डाऊनलोड करत होते, पण आजकाल ऑनलाईनच गाणी ऐकतात आपल्याला हव्या त्या प्लेलिस्ट तयार करुन त्या ऐकत असतात. अशात Gaana.com, Spotify यासारख्या म्युझिक स्ट्रिमिंग सर्व्हिसेस खूप वापरल्या जात असून यातील स्पॉटिफायचं सब्सक्रिप्शन महाग होऊ शकतं अशी माहिती समोर येत आहे.

कारण समोर आलेल्या अहवालानुसार, सब्सक्रिप्शन किंमत लवकरच वाढू शकते. मात्र, भारतात त्याचा परिणाम होईल की नाही? सध्या याबाबत कोणतीही माहिती नाही. पण यूएस मध्ये, Spotify च्या सबस्क्रिप्शनची किंमत $1 ने वाढली आहे, म्हणजे भारतात देखील ही वाढ झाली तर जवळपास ८० रुपये वाढू शकतात.

कितीला होईल मन्थली प्लान?
सध्या, यूएसमध्ये, वापरकर्त्यांना मन्थली जाहिरात फ्री सदस्यता ९.९९ डॉलर्संना मिळते. पण आता युजर्सना यासाठी एक डॉलर अधिक म्हणजेच १०.९९ डॉलर्स भरावे लागतील. तर यापूर्वी अनेक म्युझिक स्ट्रीमिंग कंपन्यांनी आपल्या प्लान्सची किंमत वाढवली होती. पण त्यावेळी Spotify ने किंमत वाढवली नाही. त्यामुळे आता भारतात स्पॉटिफाय आपली किंमत वाढवू शकतात. वॉल स्ट्रीट जनरलच्या अहवालानुसार, Spotify पुढील आठवड्यात यूएस मध्ये सब्सक्रिप्शन योजना वाढवण्याची घोषणा करू शकते. आजच्या काळात, Spotify द्वारे अनेक प्रकारचे सबस्क्रिप्शन मॉडेल ऑफर केले जात आहेत.

वाचा : Gpay वापरकर्त्यांसाठी आनंदाची बातमी! आता पिन न टाकता ही करता येणार UPI पेमेंट

८० दशलक्ष गाणी स्पॉटिफायवर
Spotify प्लॅटफॉर्मवर सध्या ८० दशलक्षांहून अधिक गाणी, पॉडकास्ट आणि ऑडिओबुक आहेत. तुम्ही मोफत प्लानमध्ये गाणी डाउनलोड करू शकत नाही. तर सशुल्क सबस्क्रिप्शनमध्ये तुम्हाला ऑफलाइन मोडमध्ये गाणी ऐकण्याची सुविधा मिळते. विद्यार्थ्यांना Spotify च्या प्रीमियम प्लानवर ४ वर्षांसाठी ५० टक्के सूट दिली जात आहे.

वाचा : जर प्राणी माणसांसारखे दिसले असते तर? AI नं तयार केलेले हे ‘विचित्र’ फोटो पाहिले का?