महिला स्पेशल स्मार्टवॉच, Noise कंपनीने आणली खास स्मार्टवॉच, खास फीचर्ससह लुकही जबरदस्त

नवी दिल्ली : NoiseFit Diva Smartwatch Launched : स्मार्टवॉच, इअरबड्स बनवण्यासाठी प्रसिद्ध असणारी कंपनी Noise ने आपली नवीन स्मार्टवॉच NoiseFit Diva नुकतीच लाँच केली आहे. या NoiseFit Diva स्मार्टवॉचची खास गोष्ट म्हणजे ही स्मार्टवॉच खास महिलांसाठी सादर करण्यात आली आहे. ही नॉइसफिट दिवा स्मार्टवॉच डायमंड कट डायलसह उपलब्ध असेल. तर या NoiseFit Diva ची किंमत म्हणाल तर २,९९९ रुपये इतकी ठेवण्यात आली असून Amazon India आणि Noise कंपनीच्या साइटवरून खरेदी करता येईल.

ब्लूटूथ कॉलिंगची सुविधा
विशेष म्हणजे कमी बजेटमध्ये येत असूनही या NoiseFit Diva स्मार्टवॉचसह ब्लूटूथ कॉलिंग देखील देण्यात आले आहे. यामध्ये नॉईज बझ देखील उपलब्ध आहे, ज्याच्या मदतीने तुम्ही वॉचमध्येच १० कॉन्टॅक्ट सेव्ह करू शकता. NoiseFit Diva ऑलवेज ऑन डिस्प्लेसह १.१ इंचाचा AMOLED डिस्प्ले ऑफर करते. एआय व्हॉईस असिस्टंटला नॉइसफिट दिवामध्ये सपोर्ट दिला गेला आहे.

वाचा : सिमकार्डसंबधित नवा नियम लवकरच येणार! बनावट कॉलिंग आणि फसवणूक रोखण्यासाठी सरकार सज्ज

NoiseFit Diva च्या बॅटरी लाइफबद्दल बोलायचं झालं तर, कंपनीच्या मते ही वॉच ३ दिवसांच्या बॅकअपचा दावा करण्यात आला आहे. NoiseFit Diva ला वॉटर रेसिंस्टंट करण्यासाठी IP67 रेटिंग मिळाली आहे. यामध्ये हार्ट रेट, SpO2 सेन्सर, स्लीप मॉनिटर, स्ट्रेस मॉनिटर आणि पीरियड ट्रॅकर हे हेल्थ रिलेटेड फिचर्स म्हणून उपलब्ध आहेत. NoiseFit Diva सह 100+ स्पोर्ट्स मोड उपलब्ध आहेत. याशिवाय 100+ वॉच फेस देखील उपलब्ध आहेत. यात गेमिंगसाठी NoiseFit Focus अॅपला सपोर्ट आहे.

वाचा : Upcoming Smartphones : नवा फोन घ्यायचा विचार करताय? थांबा, भारतात लाँच होत आहेत दमदार स्मार्टफोन्स

वाचा : जर प्राणी माणसांसारखे दिसले असते तर? AI नं तयार केलेले हे ‘विचित्र’ फोटो पाहिले का?