शॉपिंग, बिल पेमेंट की आणखी काही? भारतीय फोनचा सर्वाधिक वापर कशासाठी करतात?

नवी दिल्ली : स्मार्टफोन हा आपल्या आयुष्यातील फारत महत्त्वाचा भाग बनला आहे. फोनवर विविध गोष्टी सर्च करण्यापासून ते ऑनलाइन पेमेंट करण्यापर्यंत अनेक कामे आपण फोनवर करत असतो. मात्र, स्मार्टफोनचा सर्वाधिक वापर कोणत्या कामासाठी होतो? हे आता समोर आलं आहे. विवो कंपनीने याबाबत एक रिसर्च रिपोर्ट जारी केला आहे, ज्यामध्ये अनेक खुलासे करण्यात आले आहेत. याविषयी सविस्तर जाणून घेऊया…

युटिलिटी बिल पेमेंटसाठी फोनचा सर्वाधिक वापर
जर आपण स्मार्टफोनवरील वापरकर्त्याच्या वापराबद्दल बोललो, तर स्मार्टफोनचा वापर बहुतेक युटिलिटी बिले भरण्यासाठी केला जातो. अहवालानुसार, सुमारे ८६ टक्के लोक फोनद्वारे युटिलिटी बिल भरतात.

शॉपिंगसाठीही फोनचा वापर
तर ८०.८ टक्के लोक हे ऑनलाइन शॉपिंगसाठी स्मार्टफोनचा वापर करत असल्याचं समोर आलं आहे. यामध्ये ६१.८ टक्के लोक जीवनावश्यक वस्तू ऑर्डर करण्यासाठी स्मार्टफोन वापरतात. तर ६६.२ टक्के लोक ऑनलाइन सेवांचा वापर करण्यासाठी स्मार्टफोन वापरतात. याशिवाय ७३.२ टक्के लोक किराणा सामान ऑर्डर करण्यासाठी स्मार्टफोनचा वापर करतात आणि ५८.३ टक्के लोक डिजिटल कॅश पेमेंटसाठी स्मार्टफोन वापरतात.

वाचा : AC मुळे लाईट बिल खूप येतंय? ‘या’ ५ टिप्स फॉलो केल्यास वाचेल वीज आणि कमी येईल वीजबिल

महिला आणि पुरुषांचा स्मार्टफोन करण्याचा रेशिओ
जर आपण स्मार्टफोनच्या वापराच्या प्रमाणाबद्दल बोललो तर सुमारे ६२ टक्के पुरुषांकडे स्मार्टफोन आहेत. तर महिला स्मार्टफोन वापरात काहीशा मागे आहेत. देशातील केवळ ३८ टक्के महिलांकडे स्मार्टफोन आहेत. जर आपण मोठी शहरे आणि लहान शहरांबद्दल बोललो तर, मेट्रो शहरे स्मार्टफोन शेअरमध्ये ५८ टक्के पुढे आहेत. यानंतर ४१ टक्के नॉन मेट्रो शहरांचा क्रमांक लागतो.

वाचा :Online Scam : जास्त पैसे कमावण्याच्या नादात बसला लाखोंचा गंडा, एक क्लिक आणि खात्यातून ९.३५ लाख गायब

वाचा : Apple iPhone 15 चा डिस्प्ले कसा असेल? डिटेल्स झाले लीक, पाहा फोटोज