400mbps इंटरनेट, मोफत Hotstar चं सब्सक्रिप्शन, किंमत फक्त ५९९ रुपये, पाहा खास प्लान

नवी दिल्ली : Excitel ब्रॉडबँड सर्व्हिसेसने डिस्ने प्लस हॉटस्टार सोबत भागीदारी केली आहे. जेणेकरून ग्राहकांना प्रीमियम फायदे मिळणार असून डिस्नेप्लस हॉटस्टारचं सब्सक्रिप्शनही मिळणार आहे. या प्लानमध्ये दरमहा ५९९ रुपयांमध्ये हा प्लान उपलब्ध असेल. Excitel कंपनीने महागाईच्या विरोधात हे पाऊल उचलत अगदी परवडणाऱ्या दरात मनोरंजन पॅकेजेस उपलब्ध करुन दिले आहेत. ज्यामध्ये दमदार असं 400Mbps स्पीड, 12 OTT चॅनेल आणि 550+ टीव्ही चॅनेल उपलब्ध आहेत.
या नवीन ऑफरसह, सदस्यांना यापुढे सामग्री केवळ एका डिव्हाइसवरच पाहण्याची आवश्यकता नाही. या ऑफरसह कोणत्याही ठिकाणाहून एकाच वेळी दोन उपकरणांवर हा प्लान वापरता येईल. आता मोबाईल तसंच लॅपटॉप आणि घरातील इतर डिव्हाईसवरही या सेवेचा फायदा घेता येईल. Excitel चे CEO विवेक रैना म्हणाले, “Disney Plus Hotstar सह, आम्ही वापरकर्त्यांना 400mbps पर्यंतच्या दमदार स्पीडने इमर्सिव्ह स्ट्रीमिंग अनुभव देऊ शकतो. आम्ही भारतातील मनोरंजन आणि ब्रॉडबँड उद्योगांच्या वाढीसाठी सज्ज आहोत, भारतीय वापरकर्त्यांना परवडणाऱ्या किमतीत उत्तम मनोरंजन पॅकेजेस ऑफर करत आहोत. 4K कंटेटपासून ते लाईव्ह स्ट्रिमिंगपर्यंत, विविध गोष्टींचा संपूर्णपणे आनंद घेण्यासाठी वेगवान इंटरनेट कनेक्शन देखील आवश्यक आहे आणि आम्ही तीच सेवा देत आहोत.

स्मार्टटीव्ही आणि 300mbps स्पीड देणाराही खास प्लान
वर सांगितलेल्या या प्लानमध्ये यूजर्सना 400mbps स्पीड, 12 OTT चॅनल आणि 550 पेक्षा जास्त टीव्ही चॅनल मिळतात. यासोबतच, कंपनीने अलीकडेच केवळ ९९९ रुपयांमध्ये 300mbps वाय-फाय स्पीडचा प्लान सादर केला आहे. यामध्ये वापरकर्त्यांना 6 OTT अॅप्सचे सबस्क्रिप्शन, 300+ लाइव्ह टीव्ही चॅनल आणि 32 इंचाचा फ्रेमलेस स्मार्ट एलईडी टीव्ही देखील मिळेल.

वाचा :Online Scam : जास्त पैसे कमावण्याच्या नादात बसला लाखोंचा गंडा, एक क्लिक आणि खात्यातून ९.३५ लाख गायब