BSNL युजर्ससाठी महत्त्वाची बातमी, ‘हा’ लोकप्रिय प्लान होणार लवकरच बंद

नवी दिल्ली : जर तुम्ही भारत संचार निगम लिमिटेड (BSNL) चे ग्राहक असाल तर ही बातमी तुमच्यासाठी महत्वाची आहे, कारण BSNL आपला एक स्वस्त प्लान लवकरच बंद करणार आहे. तर हा एक मोबाईल रिचार्ज नसून ब्रॉडबँड प्लान आहे. रिपोर्ट्समधून समोर येणाऱ्या माहितीनुसार, बीएसएनएलचा ३२९ रुपयांचा एंट्री लेव्हल ब्रॉडबँड प्लान बंद करण्यात येत आहे. ३० जुलै २०२३ रोजी, BSNL आपला ३२९ रुपयांचा प्लान काढून टाकणार आहे. दरम्यान हा प्लान का काढला जात आहे याबद्दल कोणतीही अधिकृत माहिती अद्याप समोर आलेली नाही. तर हा प्लान बंद होणार असल्याची माहिती सर्वप्रथम TelecomTalk ने दिली. आणखी एक महत्त्वाची गोष्ट म्हणजे बीएसएनएलचा हा प्लान बंद होणार आहे पण सर्वच विभागातून आता लगेच हा प्लान बंद होणार नाही. बीएसएनएलचा हा प्लान सध्या बिहार-झारखंड, आसाम, आंध्र प्रदेश अशा काही सर्कलमध्ये बंद होणार आहे.
वाचा : Flipkart Big Saving Days Sale ती तारीख आली समोर, iPhone 14 सह Android फोन्सवरही बंपर डिस्काउंट ऑफर
BSNL च्या ३२९ रुपयांच्या प्लानचे फायदे अनेक
BSNL च्या या प्लानमध्ये 20Mbps च्या स्पीडने 1000GB डेटा मिळतो. 1000GB डेटा वापरल्यानंतर इंटरनेट स्पीड 4Mbps पर्यंत कमी होईल. यासोबत मोफत लँडलाइन कनेक्शनही उपलब्ध आहे. बीएसएनएलचा हा प्लान अमर्यादित कॉलिंगसह येतो. तर नुकताच TRAI चा अहवाल आला आहे ज्यामध्ये असे म्हटले आहे की एप्रिल २०२३ मध्ये फक्त Jio आणि Airtel ला नवीन ग्राहक मिळाले आहेत तर BSNL आणि Vodafone Idea ला खूप नुकसान झाले आहे. आता जिओचा वापरकर्ता आधार ४४१.९२ दशलक्ष, भारती एअरटेल २४४.३७ दशलक्ष, वोडाफोन आयडिया १२३.५८ दशलक्ष, बीएसएनएल २५.२६ दशलक्ष आणि एट्रिया कन्व्हर्जन्स २.१४ दशलक्ष आहे.

वाचा : रात्रभर फोन वापरत बसता, झोप लागत नाही? तुमच्या स्मार्टफोनमध्ये आजच बदला ‘या’ सेटिंग्स