Samsung Galaxy M34 5G आज होणार लाँच, काय असतील फीचर्स? किती असेल किंमत? वाचा सविस्तर

नवी दिल्ली : Samsung Upcoming Smartphone : दक्षिण कोरियाची स्मार्टफोन निर्माता कंपनी सॅमसंग आज आपला बहुचर्चित असा M सीरीज मधील Samsung Galaxy M34 5G हा एक नवीन स्मार्टफोन भारतात लाँच करणार आहे. या फोनच्या लाँचपूर्वीच याचे अनेक फीचर्स सांगण्यात आले आहेत. लीक्सनुसार फोनमध्ये ८ जीबी रॅम दिला जाऊ शकते. यासोबतच Android 13 आणि ट्रिपल रेअर कॅमेरा देखील दिला जाण्याची शक्यता आहे. या फोनच्या लाँचिंगचे लाईव्ह स्ट्रीमिंग कुठे पाहता येईल ते देखील जाणून घेऊ…

Samsung Galaxy M34 5G ची लाँच कुठे पाहाल?
हा फोन आज (७ जुलै) लाँच होणार असून या फोनच्या लाँचचे लाईव्ह स्ट्रीमिंग सॅमसंगच्या अधिकृत वेबसाइट, यूट्यूब आणि सोशल मीडिया चॅनेलवर पाहता येईल. या फोनची किंमत सुमारे २०,००० रुपये असू शकते असे बोलले जात आहे.

Samsung Galaxy M34 5G ची संभाव्य वैशिष्ट्ये
या फोनमध्ये ६.५ इंचाचा फुल HD AMOLED डिस्प्ले दिला जाऊ शकतो. हा फोन Exynos 1280 चिपसेटने सुसज्ज असू शकतो. तसेच यामध्ये 8 GB पर्यंत रॅम आणि 128 GB स्टोरेज दिले जाऊ शकते. फोनमध्ये ट्रिपल रेअर कॅमेरा दिला जाण्याची शक्यता आहे. त्याचा पहिला सेन्सर ५० मेगापिक्सेलचा असेल. दुसरा ८ मेगापिक्सेलचा आणि तिसरा २ मेगापिक्सेलचा असू शकतो. फोनमध्ये १३ मेगापिक्सलचा फ्रंट कॅमेरा सेंसर दिला जाऊ शकतो. हा फोन Android 13 वर काम करेल.

किंमतीचं काय?
एका टिपस्टरनुसार, हा फोन १८ ते २० हजार रुपयांच्या दरम्यान लाँच केला जाऊ शकतो. त्याच वेळी, दुसऱ्या टिपस्टरने अंदाज लावला होता की याची किंमत २१ ते २४ हजार रुपयांच्या दरम्यान असू शकते. हा फोन दोन प्रकारात लॉन्च केला जाऊ शकतो. त्याचा पहिला प्रकार 6 GB RAM सह आणि दुसरा प्रकार 8 GB RAM सह सादर केला जाण्याची अपेक्षा आहे.

वाचा : स्मार्टफोनमधील RAM मुळे खरचं फोन फास्ट होतो का? किती जीबी रॅम आहे बेस्ट? पाहा तज्ज्ञांचा सल्ला