भारतात हौशी लोकांची कमी नाही, देशात महागड्या स्मार्टफोन्सची मोठ्या प्रमाणात विक्री, Apple, Samsung आघाडीवर

नवी दिल्ली : Most Selling Smartphones in India : भारतीयांमध्ये महागडे स्मार्टफोन खरेदी करण्याचा ट्रेंड झपाट्याने वाढला आहे. भारत जगातील टॉप-५ जागतिक बाजारपेठांपैकी एक आहे, जिथे आयफोन निर्माता Apple प्रीमियम अल्ट्रा स्मार्टफोन विभागात वर्चस्व गाजवते. या वर्षाच्या दुसऱ्या तिमाहीच्या अहवालानुसार, भारतात तब्बल ४५,००० रुपयांपेक्षा जास्त किमतीच्या स्मार्टफोनला खूप मागणी आहे.

प्रीमियम स्मार्टफोन मार्केटमध्ये भारताचा वाटा वाढला
भारतातील प्रीमियम स्मार्टफोन सेगमेंटमध्ये गेल्या वर्षीच्या तुलनेत सुमारे ११२ टक्के वाढ झाली आहे. काउंटरपॉईंट रिसर्चच्या अहवालानुसार, एप्रिल-जून तिमाहीत एकूण स्मार्टफोन शिपमेंटमध्ये प्रीमियम स्मार्टफोन्सचा वाटा १७ टक्के होता.

सॅमसंग अव्वल स्थानावर
जर आपण एकूण स्मार्टफोन मार्केटबद्दल बोललो तर सॅमसंग सलग तीन तिमाहीत अव्वल स्थानावर आहे. या काळात त्याचा बाजारातील हिस्सा १८ टक्के इतका होता. दक्षिण कोरियाच्या ब्रँडने प्रीमियम स्मार्टफोन विभागात Apple ला मागे टाकले आहे. ३० हजार रुपयांच्या स्मार्टफोन सेगमेंटमध्ये सॅमसंगची ३४ टक्के भागीदारी आहे. तर अ‍ॅपल अल्ट्रा प्रीमियम स्मार्टफोन सेगमेंटमध्ये अव्वल स्थानावर आहे. या विभागात अॅपलचा वाटा ५९ टक्के आहे. काउंटर पॉइंट रिसर्च रिपोर्टनुसार, अॅपलच्या टॉप ५ स्मार्टफोन मार्केटमध्ये भारत पहिल्या ५ स्थानांवर आहे.

वाचा: UPI ने पेमेंट करताना सारखं फेल होतंय? ‘या’ सोप्या स्टेप्स फॉलो करुन तुम्ही यापासून वाचू शकता
वनप्लस हा सर्वात वेगाने वाढणारा स्मार्टफोन ब्रँड
या यादीत Vivo दुसऱ्या क्रमांकावर आहे. तसंच OnePlus हा सर्वात वेगाने वाढणारा स्मार्टफोन ब्रँड आहे. या दरम्यान, वर्ष २०२३ च्या दुसऱ्या तिमाहीत वार्षिक ६८ टक्के वाढ वनप्लसच्या विक्रीमध्ये झाली आहे. २० ते ३० हजार रुपयांच्या समान स्मार्टफोन ब्रँडमध्ये Oppo पहिल्या क्रमांकावर आहे.

वाचा :Online Scam : जास्त पैसे कमावण्याच्या नादात बसला लाखोंचा गंडा, एक क्लिक आणि खात्यातून ९.३५ लाख गायब