‘सुभेदार’ची पहिल्याच रविवारी छप्परफाड कमाई; इतक्या कोटींचा आकडा केला पार!

मुंबई: लोकप्रिय मराठी दिग्दर्शक दिग्पाल लांजेकर यांचा ‘सुभेदार’ हा सिनेमा बॉक्स ऑफिसवर विशेष गाजतो आहे. २५ ऑगस्ट रोजी प्रदर्शित झालेल्या ‘सुभेदार’ची अवघ्या तीन दिवसातील बॉक्स ऑफिसवरील कमाई ५ कोटींच्या पार गेली. अंगावर काटा आणणारा ट्रेलर आणि स्फुर्ती देणारी गाणी हिट ठरल्यानंतर सिनेमागृहात प्रेक्षकांनी गर्दी केली. ‘सुभेदार’ हा दिग्पाल यांच्या ‘शिवराज अष्टक’ या पंक्तीतील हा पाचवा सिनेमा असून यामध्ये ‘सुभेदार’ तान्हाजी मालुसरे यांच्या भूमिकेत अभिनेते अजय पुरकर आहेत. तर चिन्मय मांडलेकर, मृणाल कुलकर्णी, स्मिता शेवाळे, शिवानी रांगोळे, समीर धर्माधिकारी, अभिजीत श्वेतचंद्र अशी तगडी स्टारकास्ट या सिनेमात आहे. दरम्यान जाणून घ्या तीन दिवसात या सिनेमाने एकूण किती कमावले.

पहिल्याच रविवारी छप्परफाड कमाई

विविध सिनेमांच्या बॉक्स ऑफिसवरील कमाईची माहिती देणाऱ्या Sacnilk या वेबसाइटनुसार पहिल्या तीन दिवसात ‘सुभेदार’सिनेमाने एकूण ५.०६ कोटींची कमाई केली आहे. पहिल्या आणि दुसऱ्या दिवसाच्या कमाईच्या तुलनेत तिसऱ्या दिवशी ‘सुभेदार’ने सर्वाधिक गल्ला जमवला.

‘अरे लूट थांबवा रे…’ मुंबई-पुणे हायवेवर दोन वेळा भरावा लागला टोल, सौमित्र यांचे तिखट सवाल
‘सुभेदार’ची पहिल्या तीन दिवसांची बॉक्स ऑफिसवरील कमाई

>> २५ ऑगस्ट, शुक्रवार (पहिला दिवस)- ०१.१५ कोटी रुपये
>> २६ ऑगस्ट, शनिवार (दुसरा दिवस)- ०१.६९ कोटी रुपये
>> २७ ऑगस्ट, रविवार (तिसरा दिवस)- ०२.२२ कोटी रुपये
>> तीन दिवसांची एकूण कमाई- ५.०६ कोटी रुपये

दोघींनाही होती आई होण्याची इच्छा म्हणून… रवी जाधवांनी सांगितलं श्रीगौरी सावंत आणि सुष्मिता सेनमधील ‘आईपण’
दरम्यान बॉलिवूड चित्रपट समीक्षक आणि बिझनेस अनालिस्ट तरण आदर्श यांनीही ट्वीट करत ‘सुभेदार’ सिनेमाच्या बॉक्स ऑफिस कमाईची माहिती दिली. त्यांनी असे म्हटले आहे की, ‘सुभेदार सिनेमाने मनं जिंकली, बॉक्स ऑफिसही जिंकून घेतले.’ वीकेंडमध्ये या सिनेमाने कमावलेल्या आकडेवारीला त्यांना ‘एक्सलंट’ म्हणत कौतुक केले आहे.

हिंदी सिनेमांसोबत आहे सामना

शनिवार आणि रविवार या दोन दिवसात सुभेदार सिनेमाचे शो अनेक ठिकाणी हाऊसफुल्ल पाहायला मिळाले. दिग्पाल यांच्या सिनेमाला असाच प्रतिसाद मिळाला तर आणखीही स्क्रिन उपलब्ध होण्याची शक्यता आहे. दरम्यान सध्या बॉक्स ऑफिसवर ‘गदर २’ आणि ‘ड्रीम गर्ल २’ हे सिनेमे गाजत आहेत. ११ ऑगस्ट रोजी प्रदर्शित झालेल्या गदर २ ने आतापर्यंत ४५६.०५ कोटींची कमाई केली. तर ‘सुभेदार’ सोबतच २५ ऑगस्टला प्रदर्शित झालेल्या ‘ड्रीम गर्ल २’ ने तीन दिवसात ४०.७१ कोटी कमावले आहेत. आता आगामी काळात ‘सुभेदार’च्या कमाईत किती वाढ होईल, हे पाहणं महत्त्वाचं ठरेल.