१५ ऑगस्टनिमित्त Jio ची खास ऑफर, एका रिचार्जमध्ये वर्षभराची Validity

नवी दिल्ली : Special Jio Recharge on Independence day : रिलायन्स जिओने यंदाच्या स्वातंत्र्यदिनानिमित्त खास ऑफर जाहीर केली आहे. Jio ची ही ऑफर २,९९९ रुपयांना येत असून हा एक वार्षिक प्लान आहे. म्हणजे एकदा रिचार्ज करा आणि तुम्हाला संपूर्ण वर्षभरासाठी रिचार्जपासून सुटका मिळेल. हा प्लान अमर्यादित कॉलिंग, डेटा आणि एसएमएस सुविधेसह येतो. चलातर याबद्दल सविस्तर जाणून घेऊया..

काय आहेत फायदे?
जिओच्या खास स्वातंत्र्यदिनानिमित्तच्या ऑफरची किंमत २,९९९ रुपये असून या प्लानमध्ये अमर्यादित कॉलिंग सुविधा उपलब्ध आहे. हा प्लान ३६५ दिवसांच्या वैधतेसह येतो. या प्लानमध्ये दररोज २.५ जीबी डेटा दिला जात आहे. अशा प्रकारे, तुम्हाला या प्लॅनमध्ये एकूण ९१२.५ GB डेटा दिला जाईल. दैनंदिन डेटा मर्यादा संपल्यानंतर, इंटरनेटचा वेग 64Kbps पर्यंत कमी होतो. याशिवाय जिओच्या या प्लानमध्ये दररोज १०० एसएमएस दिले जातील. या रिचार्ज प्लॅनमध्ये अमर्यादित 5G डेटा देखील दिला जात आहे.

तुम्हाला काही अतिरिक्त फायदेही मिळतील
वरील सर्व फायद्यांसह Jio प्लान Jio Cloud, Jio TV, Jio Cinema च्या मोफत सबस्क्रिप्शनसह येतो. या प्लानमध्ये अॅप सबस्क्रिप्शनसाठी स्वतंत्रपणे कोणतेही अतिरिक्त शुल्क आकारले जाणार नाही. या प्लानवर कस्टमरला एकदा २४९ रुपयांपेक्षा अधिकच्या Swiggy ऑर्डरवर १०० रुपयांची सूट दिली जाईल. तसेच, फ्लाइट बुक करण्यावर देखील १५०० रुपयांपर्यंतची बचत मिळेल. तसंच यात्रावर देशांतर्गत हॉटेल बुकिंगवर ४००० रुपयांची सूट मिळू शकेल.

कसा कराल रिचार्ज?
जिओच्या या २,९९९ रुपयांच्या प्लानचा आनंद MyJio अॅपवरून घेता येईल. तसेच, हा प्लान जिओच्या वेबसाइटवर लाइव्ह करण्यात आला आहे. त्यात जाऊन तुम्ही हा प्लान निवडू शकता. यानंतर तुम्हाला UPI सह अनेक प्रकारचे पेमेंट पर्याय मिळतील. पेमेंट केल्यानंतर रिचार्ज पूर्ण होईल.

वाचा : Instagram Tips : इन्स्टाग्रामवर एकदम क्लिअर व्हिडीओ कसा अपलोड करायचा? लाईक्सचा पडेल पाऊस