Samsung Galaxy F34 5G ‘या’ तारखेला करणार एन्ट्री, कॅमेऱ्यापासून बॅटरी सर्वकाही दमदार, वाचा सविस्तर

नवी दिल्ली : Samsung Galaxy F34 5G Launching : सॅमसंग कंपनी आपला आगामी लेटेस्ट स्मार्टफोन Samsung Galaxy F34 5G याच महिन्यात म्हणजे ७ ऑगस्ट २०२३ रोजी भारतात आपला नवीन स्मार्टफोन लाँच करणार आहे. सॅमसंगची ही एफ सीरिज सर्वोत्तम कॅमेरा अनुभव देण्यासाठी लोकप्रिय आहे. या मालिकेच्या लेटेस्ट आवृत्तीमध्ये 50MP नो शेक कॅमेरा, 6000mAh बॅटरीसह 120hz सुपर एमोलेड डिस्प्ले यासारखे फीचर्स असणार आहे. चलातर याबद्दल सविस्तर जाणून घेऊ…

Samsung Galaxy F34 5G मध्ये 50MP (OIS) नो शेक कॅमेरा दिला जाईल. यामध्ये युजर्सना नाइटोग्राफी फीचर देखील दिले जात आहे. हे आत्तापर्यंत फक्त फ्लॅगशिप मालिकेत उपलब्ध होते पण आता Galaxy F34 5G मध्ये देखील दिले जात आहे. फोन स्पोर्ट फन मोडला देखील सपोर्ट करेल जे वेगवेगळ्या १६ इनबिल्ट लेन्स इफेक्ट ऑफर करेल. स्मार्टफोनमध्ये सिंगल टेक फीचर देखील देण्यात आले आहे जे एका शॉटमध्ये ४ व्हिडिओ आणि ४ फोटो घेऊ शकेल.

कसा असेल डिस्प्ले?
F34 5G मध्ये ६.५ इंच FHD+ सुपर AMOLED 120Hz डिस्प्ले आहे. याचा डिस्प्ले गोरिल्ला ग्लास ५ प्रोटेक्शनसह येतो. व्हिजन बूस्टर तंत्रज्ञान आणि 1000 निट्स पीक ब्राइटनेससह, वापरकर्त्यांना पाहण्याचा चांगला अनुभव मिळेल.

कशी आहे बॅटरी आणि डिझाईन?
Samsung Galaxy F34 5G मध्ये 6000mAh बॅटरी दिली जाईल. त्यामुळे भरपूर ब्राउझिंगनंतर देखील बॅटरी तुम्हाला बराच काळ टिकेल, असा कंपनीचा दावा आहे. या Samsung F34 5G मध्ये प्रीमियम गॅलेक्सी डिझाइन दिले जाईल. हा फोन इलेक्ट्रिक ब्लॅक आणि मिस्टिक ग्रीन या दोन रंगांमध्ये येईल.

वाचा : Instagram Tips : इन्स्टाग्रामवर एकदम क्लिअर व्हिडीओ कसा अपलोड करायचा? लाईक्सचा पडेल पाऊस