World Photography Day 2023 निमित्त तुमच्यासाठी खास टिप्स, महागडे कॅमेरे आणि मोबाईलसह ‘या’ गोष्टीही ठेवा सोबत

नवी दिल्ली : World Photography Day 2023 Tips : अनेक लोकांना वाटते की चांगल्या फोटोसाठी चांगला मोबाईल फोन किंवा भारीतला कॅमेरा असावा आणि नंतर चांगल्या फोटो आणि व्हिडिओसाठी तसेच भारी ठिकाण असणेही गरजेचे आहे. पण मूळात तसं नाही, कारण चांगल्या फोटोजसाठी तुम्ही तुमच्यासोबत खास काही गोष्टी कॅरी करणं आवश्यक आहे. आज वर्ल्ड फोटोग्राफी डे निमित्त आम्ही तुम्हाला याबद्दल सविस्तर माहिती देणार आहोत… तर खालील काही खास गोष्टी तुम्ही चांगल्या फोटोग्राफीसाठी स्वत:सोबत कॅरी करु शकता…

लेन्स
DSLR आणि Mirrorless कॅमेरे वापर असाल तर दोन प्रकारच्या लेन्स बाळगणे चांगले आहे. तसेच वॉकअराउंड आणि फास्ट प्राइम लेन्स असणेही कधीही चांगले. लेन्स निवडताना कॅमेरा तसंच ठिकाण वेळ हे सारं नीट पाहिल्यास लेन्सने तुमचे फोटो फारच मस्त येतील.

ऑन-कॅमेरा स्टोरेज
कॅमेरा आणि त्याच्या लेन्सप्रमाणेच कॅमेऱ्यात स्टोरेज असणे आवश्यक आहे. स्टोरेज फारच महत्त्वाचं असल्याने फोटोग्राफरने चांगल्या दर्जाचे एसडी कार्ड वापरावे. तुम्ही तुमच्या सूचीमध्ये SanDisk Extreme PRO SDXC UHS I हे समाविष्ट करू शकता.

अतिरिक्त बॅटरी
दुर्गम भागात किंवा आऊटडोअर शूटिंग दरम्यान अतिरिक्त बॅटरी सोबत ठेवावी. एअरलाइनमध्ये लिथियम आयन बॅटरी सेलसह प्रवास करू शकतो. एअरलाइनमध्ये 100Wh पर्यंतच्या बॅटरीला परवानगी आहे.

हलक्या वजनाचा ट्रायपॉड
ट्रॅव्हल फोटोग्राफीसाठी लवचिक, कॉम्पॅक्ट आणि हलके ट्रायपॉड असणे आवश्यक आहे. कार्बन फायबर बांधकाम असलेला ट्रायपॉड थोडा जास्त महाग असला तरी तो अॅल्युमिनियमपेक्षा अधिक मजबूत आणि हलका आहे.
वाचा: जगभरात जाणाऱ्या iPhone 15 वर असणार भारताची छाप; ‘या’ शहरात होणार निर्मिती