सर्वाधिक वापरलं जाणारं मायक्रोसॉफ्ट अ‍ॅप Wordpad होणार बंद? काय आहे नेमकं प्रकरण?

नवी दिल्ली : Wordpad हे App जवळपास 28 वर्षांपूर्वी बाजारात आलं. तेव्हापासून विंडोजचा एक महत्त्वाचा भाग म्हणून हे अ‍ॅप आहे. पण आता हे अ‍ॅप आपल्या साऱ्यांचा निरोप घेण्याच्या मार्गावर आहे. मागील बऱ्याच काळापासून याला कोणतंही अपडेट मिळालेलं नाही. अशा स्थितीत कंपनीने आता त्यामुळेच हे अ‍ॅप बंद करण्याचा निर्णय घेतला आहे. अलीकडील अहवालानुसार, मायक्रोसॉफ्ट काही काळातच वर्डपॅड रिमूव्ह करणार असल्याची योजना आखत आहे.

हे अ‍ॅप वापरु शकता..
एका रिपोर्टनुसार, मायक्रोसॉफ्टने सांगितले की ते वर्डपॅड काढून टाकले जात आहे कारण ते आता अपडेट केले जात नाही. कंपनीने वापरकर्त्यांना रिच टेक्स्ट डॉक्युमेंटसाठी Ms Word किंवा Docs वर स्विच करण्याचा सल्ला दिला आहे. कंपनी नोटपॅडला नवीन अपडेट देत असताना ही बातमी आली आहे.

Windows 12 मध्ये WordPad नसेल
मायक्रोसॉफ्ट जनरेटिव्ह एआयवर अधिकाधिक लक्ष केंद्रित करत आहे आणि असे सांगण्यात येत आहे की विंडोज 12 देखील एआय-चालित वैशिष्ट्यांसह येईल. मायक्रोसॉफ्टने अद्याप या संदर्भात कोणतीही ठोस माहिती दिलेली नाही परंतु असे सांगितले जात आहे की विंडोज 12 2024 मध्ये रिलीज होऊ शकतो. यामध्ये कोणते फिचर्स दिले जातील याची माहिती अद्याप देण्यात आलेली नाही. होय, असे निश्चितपणे सांगितले जात आहे की या नवीन विंडोज 12 मधून वर्डपॅड काढून टाकले जाईल. मायक्रोसॉफ्ट जेनेरिक AI वर पूर्णपणे लक्ष केंद्रित करत आहे.

वाचा : तुमचं Google Account कुठे-कुठे केलंय साईन इन? चेक करण्यासाठी ‘या’ आहेत सोप्या स्टेप्स