पुणे,दि.०२:- पुणे शहर पोलिसांच्या गुन्हे शाखेच्या अंमली पदार्थ विरोधी पथक -२ ने मोठी आंध्रप्रदेशातून पुण्यात विक्रीसाठी आणलेला एक कोटी रुपयांचा ५२० किलो गांजा जप्त केला आहे. याप्रकरणी एका महिलेसह तिघांना पोलिसांनी अटक केली आहे. ही कारवाई शनिवारी (दि.२) रोजी पुणे नगर रोडवरील अर्मसेल इंडिया कंपनीच्या समोर करण्यात आली.
संदीप बालाजी सोनटक्के (वय २९ रा. मुपो. दहिवली, पाली फाटा, खोपोली, ता. खालापुर, जि. रायगड), निर्मलाकोटेश्वरी मुर्ती जुन्नुरी (वय-३६ रा.चिलाकरलुपेठ, जि.गंटुर, राज्य आंध्रप्रदेश- महेश तुळशीराम परीट (वय-२९ रा. तुपगाव पोस्ट चौक, ता. खालापूर, जि. रायगड) असे अटक करण्यात आलेल्या आरोपींची नावे आहेत. त्यांच्यावर लोणीकंद पोलीस ठाण्यात गुन्हा दाखल करण्यात आला आहे. याबाबत पोलीस अंमलदार योगेश मांढरे यांनी फिर्याद दिली आहे.
अंमली पदार्थ विरोधी पथक दोनचे पोलीस अधिकारी व कर्मचारी लोणीकंद पोलीस ठाण्याच्या हद्दीत पेट्रोलींग करत होते. त्यावेळी पोलीस अंमलदार योगेश मांढरे यांना गोपनीय माहिती मिळाळी की, एका पांढऱ्या रंगाची सेलेरिओ कार व स्कॉर्पिओ या वाहनांना महाराष्ट्र शासनाची पाटी लावुन आंध्रप्रदेशातून मोठ्या प्रमाणात गांजा विक्रिसाठी आणला जात असल्याची माहिती मिळाली. पोलिसांनी पुणे नगर रोडवरील अर्मसेल इंडिया कंपनीसमोर स्कॉर्पिओ गाडी आडवली. या गाडीवर लोकसेवक नसताना आरोपींनी लोकसेवक असल्याचे भासवण्यासाठी गाडीवर महाराष्ट्र शासन अशी पाटी लावली होती. पोलिसांनी गाडीतील संदीप सोनटक्के व महिलेला ताब्यात घेतले.
तर सेलेरिओ गाडीमधील महेश परीट याला ताब्यात घेऊन गाड्यांची तपासणी करण्यात आली. पोलिसांनी तिघांकडून १ कोटी १९ लाख ८२ हजार २०० रुपयांचा मुद्देमाल जप्त केला. आहे.
ही कारवाई पोलीस आयुक्त रितेश कुमार
पोलीस सह आयुक्त संदीप कर्णिक,
अपर पोलीस आयुक्त गुन्हे रामनाथ पोकळे,
पोलीस उपायुक्त गुन्हे अमोल झेंडे,
सहायक पोलीस आयुक्त, गुन्हे 2 सतीश गोवेकर,
यांच्या मार्गदर्शनाखाली पोलीस निरीक्षक सुनील थोपटे,पोलीस उपनिरीक्षक शुभांगी नरके, पोलीस अमलदार योगेश मांढरे,शिवाजी घुले, संतोष देशपांडे, युवराज कांबळे, प्रशांत बोमादंडी, संदिप जाधव, मयुर सुर्यवंशी,मनोज साळुंके, विशाल दळवी, विशाल शिंदे, सचिन माळवे, दिनेश बास्टेवाड,सिंहगड पोलीस ठाण्यातील पोलीस अंमलदार अविनाश कोंडे, तांत्रिक विश्लेषण चे रुषिकेश महाल्ले, सलिम तांबोळी, किरण बरडे यांच्या पथकाने केली आहे.
Thank you for reading this post, don’t forget to subscribe!