प्रत्येक व्यक्ति आपले कुटुंब सुखात असावे म्हणून दिवस रात्र मेहनत घेते. घरातील प्रत्येक महिला यासाठी धार्मिक आणि वास्तू नियमही पाळते जेणेकरून कुटुंबात कुठल्याही अडचणी राहू नये. पाहूया वास्तुनुसार कृष्णमुर्ती किंवा कृष्णाचा फोटो कसा आणि कोणत्या दिशेला असावा.
देवघरात बाळकृष्ण ठेवणे शुभ आणि लाभदायक मानले जाते. लक्षात ठेवा आपल्या देवघरात बसलेला बाळकृष्ण असावा.
उभी राधाकृष्णाची मुर्ती किंवा फोटो ठेवल्याने कुटुंबातील सदस्यांमध्ये प्रेम वाढते. कोणत्याही प्रकारचे मतभेद चालू असतील तर ते दूर होतात, घरात आनंदाचे वातावरण राहते.
ज्या भक्तांना संतती प्राप्तीची इच्छा आहे, त्यांनी बेडरुमच्या पूर्व-पश्चिम दिशेला बाळगोपाळाच्या रूपात श्रीकृष्णाची मूर्ती ठेवणे किंवा चित्र लावणे शुभ असते.
वासुदेवाचा एका टोपलीत भगवान श्रीकृष्णास नदी पार करतानाचे चित्र आपल्या घरात लावणे शुभ ठरते. यामुळे कुटुंबातील समस्या दूर होतात.
भगवान श्रीकृष्णाचे बाळस्वरूप घरी ठेवून आपल्या मुलाप्रमाणे त्यांची काळजी घेतल्याने घरातील वातावरण प्रसन्न राहते.
कृष्ण जन्माष्टमीच्या दिवशी कान्हाला चांदीची छोटी बासरी अर्पण करा. त्यानंतर विधीवत पूजा करा आणि नंतर बासरी आपल्या पर्समध्ये सुरक्षितपणे ठेवा. यामुळे तुमच्या जीवनात सुरू असलेल्या समस्या दूर होतील आणि प्रगतीचा मार्ग खुला होईल.
श्रीकृष्णाला मोरपंख खूप प्रिय असल्याने ते तुमच्या घरच्या मंदिरात किंवा बाळकृष्णाला नक्कीच अर्पण करा. यामुळे कुटुंबात आनंदाचे वातावरण निर्माण होते. वाद-विवाद दूर होतात आणि घरात सुख-शांती, समृद्धी नांदते.