अधिकृत सूचनेनुसार, “आगामी फॉरेन मेडिकल ग्रॅज्युएट एक्झामिनेशन (FMGE) मध्ये बसण्यास इच्छुक असलेल्या उमेदवारांना सूचित करण्यात येते की नॅशनल बोर्ड ऑफ एक्झामिनेशन इन मेडिकल सायन्सेस (NBEMS) जानेवारी 2024 मध्ये संगणक-आधारित परीक्षा आयोजित करू शकते. ही परीक्षा देशभरातील विविध परीक्षा केंद्रांवर घेतली जाणार आहे.”
(वाचा : सीए ड्रॉपआऊट आहात..? टेंशन घ्यायची गरज नाही; CA क्षेत्राशी जवळीक साधणार्या ‘या’ नोकर्या देतील लाखोंत पगार)
पात्रता :
परदेशात वैद्यकीय शिक्षण घेतलेले आणि भारतात औषधाचा सराव करू इच्छिणारे भारतीय उमेदवार FMGE 2024 साठी अर्ज करू शकतात. ही परीक्षा उत्तीर्ण झाल्याशिवाय कोणताही उमेदवार परदेशातून वैद्यकीय पदवी घेऊनही सराव करू शकत नाही.
परीक्षा नमुना :
FMGE 2024 मध्ये ३०० बहुपर्यायी प्रश्न (Multiple Choice Questions) असतील. प्रश्नपत्रिका दोन विभागात विभागली जाईल. उमेदवारांना प्रत्येक विभागासाठी १५० मिनिटांचा अवधी मिळेल.
FMGE परीक्षेचे डिसेंबर सत्र भारतभरातील ४० वेगवेगळ्या शहरांमध्ये होण्याची शक्यता आहे. याबद्दलची अधिकृत माहिती माहिती लवकरच वेबसाइटवर शेअर केली जाईल.
ज्यांना भारतात औषधाचा सराव करण्याची इच्छा आहे त्यांच्यासाठी FMGE परीक्षा ही वैद्यकीय पदवीधरांसाठी स्क्रीनिंग चाचणी म्हणून काम करते. सदर परीक्षा NBEMS द्वारे वर्षातून दोनदा आयोजित केले जाते आणि राष्ट्रीय वैद्यकीय आयोग (NMC) किंवा त्यांच्या संबंधित राज्य वैद्यकीय परिषदेकडून (SMC) नोंदणी प्रमाणपत्र प्राप्त करू इच्छिणाऱ्या भारतीय नागरिकांसाठी आणि भारतातील परदेशी नागरिकांसाठी (OCI) घेतली जाते. दरवर्षी मोठ्या संख्येने उमेदवार या परीक्षेला बसतात.
(वाचा : देशाच्या Territorial Army मध्ये ‘ऑफिसर’ पदावर भरती सुरु; कोणत्याही क्षेत्रातील पदवीधर करू शकणार अर्ज)