नागपूर जिल्हा परिषदेच्या आरोग्य विभागात विविध पदांची भरती, थेट मुलाखत पद्धतीने होणार निवड

ZP Nagpur NHM Recruitment 2023: तुम्ही जर वैद्यकीय शिक्षण घेतले असेल आणि जिल्हा परिषदेत शासनासोबत काम करण्याची इच्छा असेल तर तुमच्यासाठी मोठी सुवर्णसंधी आहे. नागपूर जिल्हा परिषद आणि राष्ट्रीय आरोग्य अभियान यांच्या अंतर्गत भरती प्रक्रिया राबवण्यात आली आहे. नुकतीच या भरतीबाबत जिल्हा परिषदेने अधिसूचना प्रसिद्ध केली आहे.

या भरतीमध्ये हृदयरोगतज्ज्ञ, स्त्रीरोगतज्ञ, रेडिओलॉजिस्ट, ऍनेस्थेटिक्स, बालरोगतज्ञ, फिजिशियन, मानसोपचारतज्ज्ञ, वैद्यकीय अधिकारी या पदाच्या एकूण ३३ रिक्त जागा भरण्यात येणार आहेत. या पदांसाठी इच्छुक आणि पात्र उमेदवारांची थेट मुलाखत पद्धतीने निवड करण्यात येणार आहे. या मुलाखती जाहिरात प्रसिद्ध झाल्यापासून प्रत्येक दुसऱ्या व चौथ्या मंगळवारी होतील. तेव्हा या भरतीमधील पदे, पदसंख्या, पात्रता, वेतन, मुलाखत प्रक्रिया याबाबतची सविस्तर माहिती जाणून घेऊया.

‘नागपूर जिल्हा परिषद आणि राष्ट्रीय आरोग्य अभियान भरती २०२३’ मधील पदे आणि पदसंख्या:
हृदयरोगतज्ज्ञ – ०१ जागा
स्त्रीरोगतज्ञ – ०३ जागा
रेडिओलॉजिस्ट – ०४ जागा
ऍनेस्थेटिक्स – ०२ जागा
बालरोगतज्ञ – ०२ जागा
फिजिशियन – ०२ जागा
मानसोपचारतज्ज्ञ – ०१ जागा
वैद्यकीय अधिकारी – १८ जागा
एकूण रिक्त पदसंख्या: ३३ जागा

(वाचा: Weaver’s Service Centre Mumbai Bharti: मुंबई येथील विणकर सेवा केंद्रात भरती, ‘ही’ आहे अर्ज करण्याची शेवटची तारीख)

शैक्षणिक पात्रता: शैक्षणिक पात्रता पदाच्या आवश्यकतेनुसार संबधित विषयात एमडी/ एमएस/ डीएनबी/ एमबीबीएस असणे आवश्यक आहे. या व्यतिरिक्त सविस्तर पात्रता अधिसूचनेत नमूद केली आहे. अधिसूचना वाचण्यासाठी त्याची लिंक खाली जोडलेली आहे.

नोकरी ठिकाण: नागपूर

वयोमर्यादा: खुल्या प्रवर्गासाठी कमाल वयोमर्यादा ३८ वर्षे, राखीव प्रवर्गासाठी ४३ वर्ष आणि विशेतज्ञ पदासाठी कमाल ७० वर्षे आहे.

अर्ज पद्धती: ऑफलाईन

निवड प्रक्रिया: मुलाखतीद्वारे

मुलाखतीचा पत्ता: जिल्हा एकात्मिक आरोग्य व कुटुंब कल्याण सोसायटी, नागपूर

मुलाखतीची तारीख: जाहिरात प्रसिद्ध झाल्यापासून म्हणजे २० नोव्हेंबर पासून प्रत्येक दुसऱ्या व चौथ्या मंगळवारी (सकाळी १०.०० ते दुपारी १२.०० वाजेपर्यत)

वेतनश्रेणी: (मासिक)
हृदयरोगतज्ज्ञ – १ लाख २५ हजार
स्त्रीरोगतज्ञ/ रेडिओलॉजिस्ट / ऍनेस्थेटिक्स/ बालरोगतज्ञ/ फिजिशियन// मानसोपचारतज्ज्ञ- ७५ हजार
वैद्यकीय अधिकारी – ६० हजार

या भरती संदर्भात अधिक माहिती जाणून घेण्यासाठी ‘जिल्हा परिषद; नागपूर’ यांच्या अधिकृत वेबसाइटला भेट देण्यासाठी येथे क्लिक करा.

या भरती संदर्भातील प्रसिद्ध झालेली अधिकृत अधिसूचना वाचण्यासाठी येथे क्लिक करा.

मुलाखत प्रक्रिया: या भरतीकरिता पात्र उमेदवारांची थेट मुलाखत पद्धतीने निवड होणार आहे. मुलाखत प्रक्रिया २० नोव्हेंबर पासून दुसर्‍या आणि चौथ्या मंगळवारी पार पडेल. उमेदवारांनी मुलाखतीच्या दिवशी सकाळी १०.०० वाजता आवश्यक कागदपत्रे आणि अर्ज घेऊन वर दिलेल्या पत्त्यावर उपस्थित राहायचे आहे. मुलाखतीला येण्याआधी अधिसूचना काळजीपूर्वक वाचावी.

(वाचा : IDBI Bank Bharti 2023: ‘आयडीबीआय’ बँकेत २१०० पदांसाठी महभरती; जाणून घ्या नोकरीचे सर्व तपशील)