पिंपरी चिंचवड,दि.०२ :- दिघी परीसर लाॅजमध्ये सुरू असलेल्या वेश्या व्यवसायावर छापा. महिलेला पैशांचे आमिष दाखवून वेश्या व्यवसाय करून घेतल्याचे समोर आले. याप्रकरणी दिघीपोलिसांनी दोघांना अटक केली.
साईनगरी येथील अगत्य लॉज येथे बुधवारी (दि. २९) रात्री ही कारवाई केली.
अजय रमेश रणदिवे (२५, रा. वडमुखवाडी), अजय दत्ता हरणे (२५, रा. सावरी, ता. निलंगा, लातूर) अशी अटक केलेल्यांची नावे आहेत. त्यांच्यासह संजय पवळे (रा. चऱ्होली) याच्या विरोधात देखील पोलिसांनी गुन्हा दाखल केला. याप्रकरणी पोलिस अंमलदार सोमनाथ खडसाळे यांनी गुरुवारी (दि. ३०) दिघी पोलिस ठाण्यात फिर्याद दिली.
पोलिसांनी दिलेल्या माहितीनुसार, रणदिवे आणि हरणे या दोघांनी एका महिलेला पैशांचे आमिष दाखवून तिच्याकडून वेश्या व्यवसाय करून घेतला. त्यातून मिळालेल्या पैशांवर दोघांनी आपली उपजीविका भागवली. याप्रकरणी माहिती मिळाली असता पोलिसांनी एका लॉजवर छापा मारून कारवाई केली. यामध्ये एका महिलेची वेश्या व्यवसायातून सुटका करत दोघांना अटक केली.
Thank you for reading this post, don’t forget to subscribe!