महाराष्ट्र शासनाने अधिकाधिक तरुणांना रोजगार देण्याचे ध्येय बाळगून या योजनेची आखणी केली आहे. राज्यातील बेरोजगारीवर मात करण्यासाठी राज्य सरकार विशेष प्रयत्न करीत आहेत. त्याचसाठी हा मेळावा आयोजित करून शासन राज्यातील प्रत्येक जिल्ह्यामध्ये रोजगाराच्या संधी उपलब्ध करून देत आहे.
तरुणांचे केवळ शिक्षण होऊन चालणार नाही तर त्यांना उत्तम संधीही मिळायला हव्या. देशासह राज्यामध्ये सध्या बेरोजगारीची मोठी समस्या आहे. म्हणूनच त्यावर ठोस उपाय करण्याच्या उद्देशाने शासन प्रयत्नशील आहे. शासन आपल्या दारी या उपक्रमासोबतच पंडित दीनदयाळ उपाध्याय रोजगार योजना (जागेवरच निवड) राज्यात राबवली जात आहे. ज्याद्वारे शासन जिल्हया-जिल्ह्यात पोहोचत आहे. विशेष म्हणजे या मार्फत हजारो तरुणांच्या हाताला रोजगार मिळत आहे.
औरंगाबाद जिल्ह्यात बुधवारी २० डिसेंबर रोजी शासनाचा रोजगार मेळावा होणार आहे. या मेळाव्यात विविध प्रतिष्ठित कंपन्या सहभागी होणार असून अनेक उमेदवारांना रोजगाराची संधी मिळणार आहे.
इच्छुक उमेदवारांनी महाराष्ट्र शासनाच्या ‘या’ लिंकवर नोंदणी करायची आहे.
या नोंदणी नंतर रोजगार मेळाव्यात उपस्थित राहायचे आहे. या मेळाव्यात ऑफलाइन पद्धतीने उमेदवारांची निवड केली जाईल.
तसेच https://rojgar.mahaswayam.gov.in/ या लिंकवर क्लिक करून होम पेज वरील औरंगाबाद जिल्ह्याच्या पर्यायावर क्लिक करावे. तिथे भरतीचे आणि पदांचे सर्व तपशील प्राप्त होतील.
नोकरीचे ठिकाण : औरंगाबाद जिल्हा
रोजगार मेळाव्याची तारीख : २० डिसेंबर २०२३
मेळाव्याचा पत्ता: रोजगार कार्यालय, मालजीपुरा, बसस्टँड रोड, छत्रपती संभाजीनगर.